Արմինֆո.Հայաստանի և Ռուսաստանի միջև ապրանքաշրջանառությունն այս տարի կարող է գերազանցել 2 մլրդ դոլարը: Հոկտեմբերի 17-ին նման կանխատեսում է արել EXPO-RUSSIA ARMENIA միջազգային ութերորդ ցուցահանդեսի տնօրեն Սվետլանա Զաբելինան, ցուցահանդեսի բացման ժամանակ:
«Ընդհանուր տարածքը, իհարկե, նպաստում է առևտրային գործընթացին: Առաջին ցուցահանդեսի անցկացման ժամանակ մեր երկրների միջև ապրանքաշրջանառությունը չէր մոտենում 1 մլրդ դոլարի նշագծին: Անցյալ տարվա արդյունքներով Հայաստանի և Ռուսաստանի միջև փոխադարձ առևտրի ծավալը կազմել է 1,7 մլրդ դոլար: Ընթացիկ տարվա վերջին տվյալներով, աճն արդեն կազմել է 26%: Մասնավորապես, նման միջոցառումների անցկացման շնորհիվ, կարծում եմ, մենք կկարողանանք ավելի մեծացնել առևտրի ծավալը», - նշել է նա:
Սակայն, ըստ նրա, այս տարի որոշակի դժվարություններ են եղել ցուցահանդեսի կազմակերպման հետ կապված: «Բազմաթիվ խոշոր ընկերություններ չեղյալ են հայտարարել իրենց այցը Հայաստան, ելնելով քաղաքական իրավիճակից, բայց փոքր և միջին բիզնեսն այստեղ է, հույս ունենք, որ ամեն ինչ լավ կլինի, քանի որ Հայաստանը բարեկամ երկիր է Ռուսաստանի համար», - բացատրել է նա:
Ցուցահանդեսի 10 տարվա ընթացքում, EXPO-RUSSIA ARMENIA- ի տնօրենի կարծիքով, Ռուսաստանից Հայաստան են եկել են ավելի քան 1000 ձեռնարկությունների մոտ 5000 ներկայացուցիչներ: Մասնավորապես, այս տարի մասնակցում են Ռուսաստանի 7 մարզերի շուրջ 100 ձեռնարկություններ: Ավելին, մասնակիցների աշխարհագրությունը փոխվել է: «Սկզբում, ցուցահանդեսի բացման առաջին տարում, մասնակցեցին միայն ռուսական ընկերությունները, հաջորդ տարի միացավ հայկական կողմը, այս տարի ցուցահանդեսում ներկայացված են նաև Ղազախստանի և Բելառուսի տաղավարները», - ասել է Ս. Զաբելինան:
«EXPO-RUSSIA ARMENIA» ցուցահանդեսի շրջանակներում, ինչպես նշել է է նա, սպասվում է գործարար համաժողով, ինչպես նաև մշակութային ծրագիր, Ռուսական 2 ֆիլմերի ցուցադրություն, վարպետության դասեր ֆլորիստիկայի բնագավառում, և կլինի ռուսական բուհերի մեծ շնորհանդես` Russia Study, հայ ուսանողների, դիմորդների և դպրոցականների համար:
ՀՀ վիճակագրական կոմիտեի տվյալներով, 2018 թվականի հունվար-օգոստոսին Հայաստանի և Ռուսաստանի միջև առևտրաշրջանառությունը կազմել է 1.2 մլրդ դոլար, տարեկան աճը`22.3%: Մասնավորապես, արտահանումն աճել է 31.7%, մինչև 424.2 մլն դոլար, իսկ ներմուծումը`17.9%, մինչև 805 մլն դոլար:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը