Ամերիաբանկը մատնանշում է 2019 թվականի մանրածախ բիզնեսի առաջնահերթ ուղղությունները

Արմինֆո. Ամերիաբանկի համար հիփոթեքային վարկավորումը, սպառողական վարկավորումը և ՓՄՁ-ի ֆինանսավորումը առաջնային են լինելու մանրածախ բիզնեսի համար 2019 թվականին: Այս մասին հայտարարել է Ամերիաբանկի մանրածախ բիզնեսի գծով տնօրեն Արման Բարսեղյանը, հոկտեմբերի 17-ին տեղի ունեցած առցանց մամուլի ասուլիսում, պատասխանելով ԱրմԻնֆո-ի հարցին:

«Հիփոթեքային վարկավորումը որպես գերակայություն ընտրելով, մենք առաջնորդվում էինք շուկայում օբյեկտիվ պայմանների առկայությամբ, անշարժ գույքի շուկայի և պահանջարկի մակարդակի առումով, ընդ որում`երկարաժամկետ հիփոթեքային վարկերը, լինելով երկարաժամկետ, ի վիճակի են ապահովել համապատասխան որակ», - բացատրել է նա:

Խոսելով սպառողական վարկերի մասին, նա նշել է, որ նման տնտեսական աճի պայմաններում շուկան կշարունակի պահանջել այդ վարկերը: «Մեր ընթացիկ սպառողական վարկային պորտֆելը ցույց է տալիս, որ իրական ծավալը գերազանցել է ակնկալիքները և նախորդ տարվա համեմատ զգալի աճ է եղել», - ընդգծել է նա:

ԱրմԻնֆո-ի կողմից պատրաստված` Հայաստանի բանկերի Ֆինանսական վարկանիշների 2018 թ. հուլիսի 1-ի արդյունքների համաձայն, Ամերիաբանկն իր հիմնական ցուցանիշներով շարունակում է մնալ շուկայի առաջատարը: Բանկի ակտիվները կազմել են 693,5 մլրդ դրամ (1,4 մլրդ դոլար, առաջին տեղ), տարեկան 6,2% աճ, վարկային ներդրումները`495,3 մլրդ դրամ (1.03 մլրդ դոլար, առաջին տեղ), տարեկան 17,9% աճով: Բանկի վարկային պորտֆելում տնտեսությանն ուղղված վարկերը կազմել են մոտ 84% կամ 415.5 մլրդ դրամ (861.5 մլն դոլար, 1-ին տեղ), տարեկան 13.3% աճով: Ամերիաբանկի ՓՄՁ վարկային պորտֆելը կազմել է 85.1 մլրդ դրամ (176.4 մլն դոլար, 2-րդ տեղ), իսկ բանկի ընդհանուր վարկային պորտֆելում կազմել են 17.2%, իսկ ոլորտում`12%: Բանկը տարեկան կտրվածքով 14% ավելացրել է ՓՄՁ-ի վարկային պորտֆելը: 2018 թվականի առաջին կիսամյակը բանկը եզրափակել է 5.9 մլրդ դրամի (12.3 մլն դոլար, 1-ին տեղ) զուտ շահույթով, ապահովելով տարեկան 77.4% աճ:

Նշենք, որ Ամերիաբանկը գործում է հայկական շուկայում 1996 թ հոկտեմբերի 31-ից: 2018 թվականի հուլիսի 1-ի դրությամբ Ամերիաբանկի բաժնետերերն են`Ամերիա Գրուպ CY ltd. - 56.6%, ՎԶԵԲ - 17.8%, Ասիական զարգացման բանկ - 13.98%, ESPS Holding Limited- 11.62%: Ամերիաբանկn wuni 16 մասնաճյուղ, որից 10-ը մայրաքաղաքում, իսկ 6-ը Հայաստանի մարզերում: