Արմինֆո. ՀՀ ֆինանսների նախարարի պաշտոնակատար Ատոմ Ջանջուղազյանը չի գտնում, որ հարկերի ցածր տոկոսադրույքները կարող են խթանել տնտեսական աճը: Այդ նպատակով երկրի ֆինանսական մարմինները կաշխատեն հարկատուի ընկալման վրա: Այս մասին նա հայտարարել է նոյեմբերի 2-ին, Հայաստանի 2019 թ. Պետական բյուջեի նախագծի խորհրդարանական քննարկումների ընթացքում:
Ըստ Ջանջուղազյանի, հնարավոր է, որ հարկային քաղաքականության շրջանակներում կառավարությունն ավելի լոյալ վերաբերմունք ցուցաբերի գործունեության որոշ տեսակների նկատմամբ: «Բայց այսօր դրանք պարզապես պլաններ են, որոնք հետագայում կարող են քննարկման առարկա դառնալ», - նշել է նա:
Ֆինանսիստի կարծիքով, երկարաժամկետ հարկային քաղաքականությունը պետք է կազմված լինի այնպես, որ ձեռնարկատերերը ցանկանա վճարել հարկերը: Դրան, ինչպես նշել է նա, կարելի է հասնել պոտենցիալ հարկատուի վարքագծի փոփոխության միջոցով, որը, վերանայելով իր հայացքները, կհասկանա, որ պետությունը այլևս փայատեր չէ:
Ատոմ Ջանջուղազյանը շեշտել է, որ, ի թիվս այլ բաների, հարկերի վճարումների հյաշվին պետությունը բիզնեսի համար բարենպաստ միջավայր է ստեղծում: Հետևաբար, ոլորտի պատասխանատու անձի կարծիքով, «ինչու պետք է հարկեր վճարել» ընկալումն առաջացնում է այն պարզ պատճառով, որ սովորական հարկ վճարողը կասկածներ է ունենում բյուջեի հարկային եկամուտների նպատակային ծախսումների առումով: Այս խնդրի լուծումը, ինչպես նշում է նա, թաքնված է թափանցիկ, բաց, ներառական համակարգի ստեղծման մեջ:
Հիշեցնենք, որ այս տարվա սեպտեմբերին: լրագրողների հետ հանդիպման ժամանակ ՀՀ Պետական եկամուտների կոմիտեի նախագահ Դավիթ Անանյանը, անդրադառնալով Սինգապուր կատարած վերջին այցին, ասաց. «Եթե որևէ մեկը հարցնում է, թե արդյոք հնարավոր է կիրառել Սինգապուրյան տնտեսական հրաշքը Հայաստանում, ապա ես կպատասխանեի`միանշանակ ոչ»: Նրա խոսքերով, Սինգապուրի օրենսդրությունում կա մի շատ կարևոր կարգախոս`«Մեր ժողովուրդը, մեր հարկերը»: Այս առումով, ըստ նրա, Հայաստանի ՊԵԿ-ի և Սինգապուրի հարկային մարմինը ունեն հակառակ գաղափարախոսություն: «Ես սա ասում եմ բացասական իմաստով, քանի որ մենք դեռ չենք հասել նման գաղափարախոսության: Նրանց մոտ բոլոր պրոզենտացիոն նյութեր սկսվում են հետևյալ նախադասությամբ.«Մենք հավատարիմ ենք այն կանխավարկածին, որ բոլոր հարկ վճարողները ճշգրտորեն կատարում են իրենց հարկային պարտավորությունները»: Այսինքն, մարդիկ ձևավորել են մշակույթ, ըստ որի, հարկերի վճարումը հայրենասիրության տարր է, իսկ հարկային մարմինը պարտավոր է ձևավորել անմեղության այնպիսի կանխավարկած, որ բոլորն էլ օրինապահ հարկատուներ են»: Ինչ վերաբերում է Հայաստանին, ապա, ըստ Դավիթ Անանյանի, այստեղ գործում է մեկ այլ կարգախոս. «Ենթադրվում է, որ բոլոր հարկ վճարողները ցանկանում են խուսափել հարկեր վճարելուց, մենք Խորհրդային Միությունից ժառանգել ենք, որ պետությանը խափելն արժանի է հարգանքի»: