Երկուշաբթի, 17 Դեկտեմբերի 2018 14:57

Արմինֆո. Կառավարության և ACP ընկերության բանակցությունների արդյունքում որոշում է կայացվել աշխատակիցների աշխատանքային հարաբերությունների լուծման ծանուցագրերի փոխանցումը հետաձգել երկու ամսով՝ առ 2019թ. փետրվարի 28-ը: Այդ մասին Ֆեյսբուքի իր էջում հայտնել է ՀՀ վարչապետի օգնական Արեն Մկրտչյանը:

 

<Սիրելի ալավերդցիներ, ինչպես գիտեք, «Արմենիան Քափըր Փրոգրամե ՓԲ ընկերությունը մինչև 2018թ. հոկտեմբերի ավարտը աշխատակիցներին ուղարկել էր աշխատանքային պայմանագրերի լուծման մասին ծանուցումներ, ըստ որի՝ աշխատանքային հարաբերությունների լուծում նախատեսվում էր իրականացնել 2018 թվականի դեկտեմբերի 24-ից հետո՝ 5 օրվա ընթացքում։

 

Կառավարության և ACP ընկերության բանակցությունների արդյունքում որոշում է կայացվել աշխատակիցների աշխատանքային հարաբերությունների լուծման ծանուցագրերի փոխանցումը հետաձգել երկու ամսով՝ առ 2019թ. փետրվարի 28-ը: Հուսով ենք՝ կառավարության և ACP ընկերության բանակցությունները կշարունակվեն կառուցողական մթնոլորտում ՝ ի շահ ալավերդցու, լոռեցու և Հայաստանի Հանրապետության: Ալավերցիներ ջան, դուխներդ տեղը, գլուխներդ բարձր, քանզի ձեր կողքին ամուր կանգնած է մի ողջ կառավարություն>,- գրել է նա:

 

Դեկտեմբերի 14-ին ԱրմԻնֆո-ն՝ վկայակոչելով «Վալլեքս» խմբի ընկերությունների  տեղեկատվության  և  հասարակայնության  հետ կապերի բաժինը, հայտնել էր, որ իրականությանը չի համապատասխանում տեղեկատվությունը, որ «Վալլեքս» խմբի «Արմենիան Քափըր Փրոգրամ» («Էյ-Սի-Փի») ՓԲ ընկերության աշխատակիցները շարունակում են աշխատանքից ազատման ծանուցումներ ստանալ: «2018թ. հոկտեմբերի 19-ից «Արմենիան Քափըր Փրոգրամ» ՓԲ ընկերության (այսուհետ նաև՝ Ընկերություն) Ալավերդու պղնձաձուլական գործարանը հայտնի պատճառներով կասեցրել է մետալուրգիական արտադրամասի գործունեությունը: Միաժամանակ Ընկերությունը՝ ՀՀ աշխատանքային օրենսդրությամբ սահմանված կարգով ու պայմաններով, բոլոր աշխատակիցներին տվել է աշխատողների քանակի և (կամ) հաստիքների կրճատման հիմքով աշխատանքային պայմանագրերի լուծման մասին ծանուցումներ։ 2018 թվականի նոյեմբեր-դեկտեմբեր ամիսներին ընկերությունը աշխատողների քանակի և (կամ) հաստիքների կրճատման հիմքով աշխատանքային պայմանագրերի լուծման մասին որևէ նոր ծանուցում աշխատողներին չի տվել։ Կարևորելով Հայաստանի տնտեսական կայունությունը և հատկապես, Ալավերդի քաղաքի ու տարածաշրջանի բնակչության սոցիալական վիճակը, առկա աշխատատեղերի պահպանման կենսական նշանակությունը, ինչպես նաև նպատակ ունենալով խուսափել ձմռան այս դժվարին ամիսներին և Ամանորի նախօրեին տարածաշրջանում սոցիալական նոր լարվածություն ստեղծելուց` «Վալլեքս» խմբի ընկերությունների նախագահի կողմից տրվել է Ընկերության աշխատողների պայմանագրերի լուծման պահը երկու ամսով հետաձգելու նոր հանձնարարական, որի հիման վրա Ընկերության աշխատողները կստանան նոր ծանուցումներ՝ համապատասխան աշխատանքային պայմանագրերը 2019 թվականի  փետրվարի 28-ից լուծելու մասին:  Հուսով ենք, որ մեր համագործակցությունը ՀՀ Կառավարության հետ կշարունակվի փոխըմբռնման և կառուցողական մթնոլորտում>,- նշվում է հաղորդագրությունում:

             

Հիշեցնենք, որ 2018 թ. հոկտեմբերի 19-ից Ալավերդու պղնձաձուլական գործարանի վառարանները հանգած են: Ձեռնարկության շուրջ 650 աշխատակիցներ մնացել են առանց աշխատանքի և կենսապայմանների:

Շրջակա միջավայրի պահպանության պետական ​​տեսչությումը կոմբինատին տուգանել է 380 միլիոն դրամով (700 հազար դոլար)՝ 2005 թվականին ընդունված բնապահպանական օրենսդրության լուրջ խախտումների պատճառով:

Գործարանի ղեկավար Լուսինե Մեջլումյանը հայտնել էր, որ բնապահպանական տեսչությունների պահանջների կատարումը գործնականորեն օրակարգի մեջ է մտցնում գործարանի փակման հարցը: Խնդիրն ավելի է բարդանում այն հանգամանքով, որ ձեռնարկության գույքային համալիրն ապահովված է ավելի քան 500 մլն դոլարի վարկի միջոցով, որը նախկինում ստացվել է  ՎՏԲ Բանկից, Թեղուտի պղնձամոլիբդենային հանքավայրի զարգացման համար, որի շահագործումը նույնպես մեկ տարի առաջ դադարեցվել էր բնապահպանական խնդիրների պատճառով, օտարերկրյա համաֆինանսավորման կասեցման հետևանքով: Նման պայմաններում ՎՏԲ-ի վարկի սպասարկումը դառնում է ձեռնարկության համար չափազանց ոչ շահավետ, իսկ Ալավերդու գործարանի եկամտաբերության մակարդակի լուրջ անկումը, ըստ էության, կարող է հանգեցնել նրա սնանկացմանը:

 

Նշենք, որ «Վալլեքս Գրուպե ՓԲԸ (Vallex Group) հիմնադրվել է 1998 թվականին և միավորում է 20 դուստր և փոխկապակցված ընկերություններ: Դրանց թվում են «Թեղուտե ՓԲԸ-ն, որն ստեղծվել է 2006 թվականին, բաժնետոմսերի լրիվ փաթեթը պատկանում է կիպրոսյան «Թեղուտ Ինվեսթմենթս Լիմիթիդե ՓԲԸ-ին, որի քվեարկող բաժնետոմսերի 100 տոկոսը պատկանում է «Արմենիան քոփր Փրոգրամե ՓԲԸ-ին, որի սեփականատերը Վալերի Մեջլումյանն է, ինչպես նաև` «Բեյզ Մեթըլսե ՓԲԸ-ն, որը շահագործում է Արցախի  Մարտակերտի շրջանում գտնվող Դրմբոնի պղինձ-ոսկու հանքավայրը, «Armenian Copper Programmeե ՓԲԸ (ACP), որը շահագործում է Ալավերդու պղնձաձուլման կոմբինատը, որտեղ արտադրվում է սև պղինձ: