Արմինֆո. Հայաստանի կառավարությունը սուբվենցիաների տեսքով 300 մլն դրամ կուղղորդի ոռոգման համակարգի աշխատակիցներին աշխատավարձերի վճարմանը: Այդ մասին որոշում է կայացվել դեկտեմբերի 27-ին գործադիր մարմնի նիստում:
Ներկայացնելով որոշման նախագիծը` էներգետիկ ենթակառուցվածքների եւ բնական պաշարների նախարարի պաշտոնակատար Գարեգին Բաղրամյանը նշել է, որ 2017 թ. լրացուցիչ ֆինանսական միջոցների չտրամադրման արդյունքում 5.7 մլրդ դրամ կրեդիտորական պարտքը տեղափոխվել է 2018 թվական՝ առաջացնելով կրկնակի բեռ տարվա համար: 2018 թվականին ոռոգման համակարգի ֆինանսական վերականգնման համար տրամադրված 5.74 մլրդ դրամի սուբսիդիաների եւ 0.75 մլրդ դրամից այս տարվա հունվարին հատկացվել է ընդամենը 4.1 մլրդ դրամ` 2017-ի պարտքերը մարելու համար: Այս գումարից ջուր օգտագործողների եւ «Ջրատ» ՓԲԸ-ի միջեւ բաժանվել է 2.39 մլրդ դրամ `մասնակիորեն մարելու նախորդ տարվա պարտքը: Միեւնույն ժամանակ, կան հարկերի, աշխատավարձերի վճարման և գարնանային աշխատանքի նախապատրաստման գծով պարտքեր: Արդյունքում` ընկերություններում աշխատավարձի գծով գոյացել է 595 մլն դրամի պարտք, ևս 149,3 մլն դրամ ընկերությունների հարկային պարտավորություններն են, որոնցից 46,1 մլն դրամն արգելանքի տակ է: Գարեգին Բաղրամյանը, մասնավորապես, նշել է, որ ջրի սակագնի փոխհատուցման համար տրամադրվող պետական սուբսիդիաների առյուծի բաժինը ուղղորդվում է կրեդիտորական պարտքերին առնչվող խնդիրների լուծմանը:
Նախարարի պաշտոնակատարը նաեւ հաղորդել է օգտագործված ոռոգման ջրի դիմաց հավաքագրվող միջոցների ծավալների 64%-ից մինչեւ 50% նվազման մասին: Նրա ասելով, ոռոգման համակարգում կիրականացվեն արմատական բարեփոխումներ, ինչպես կառուցվածքային, այնպես էլ ինստիտուցիոնալ: 2019 թվին, ինչպես նշել է Գարեգին Բաղրամյանը, լիովին վերանայվելու են համակարգում առկա խնդիրների լուծման ռազմավարությունը եւ մոտեցումները:
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |