Արմինֆո.Եվրոպական միությունը Հայաստանին կտրամադրի ավելի քան 700 մլն եվրո վարկ` ենթակառուցվածքային նախագծերի իրականացման համար: Այդ մասին ասվում է Եվրոպական հանձնաժողովի կայքում զետեղված զեկույցում:
Զեկույցում նշվում է, որ Հայաստանին հատկացվող վարկային ռեսուրսները կդառնան «Արեւելյան գործընկերություն» ծրագրի մասնակից երկրներին `Հայաստանին, Ադրբեջանին, Վրաստանին, Ուկրաինային, Մոլդովային եւ Բելառուսին Եվրամիության ընդհանուր աջակցության մի մասը: Ծրագրի ընդհանուր բյուջեն, որը կֆինանսավորվի Եվրամիության եւ Համաշխարհային բանկի համատեղ ջանքերով, կկազմի 13 մլրդ եվրո:
Նախագիծը ենթադրում է 4800 կմ ընդհանուր երկարությամբ ճանապարհների եւ երկաթգծերի կառուցում, ինչպես նաեւ նավահանգիստների, օդանավակայանների, լոգիստիկ կենտրոնների եւ անցակետերի զարգացում: Բրյուսելում գտնում են, որ «Արեւելյան գործընկերության՚ երկրներում `Վրաստանում, Ադրբեջանում, Հայաստանում, Մոլդովայում եւ Ուկրաինայում ենթակառուցվածքների զարգացումը կնպաստի այդ երկրների տնտեսական աճին եւ նոր աշխատատեղերի ստեղծմանը: Որոշ նախագծեր նախատեսվում է ավարտել արդեն 2020 թվականին, իսկ մյուսները` միայն 2030 թ: Նշենք, որ ավելի վաղ Երեւանում արդեն նախանշվել են ֆինանսավորման ուղղություններ: Առաջնահերթ նախագծերի թվում, մասնավորապես, նշվել է Արտաշատ-Ագարակ ավտոճանապարհի վերակառուցումը, որը հանդիսանում է Հյուսիս-Հարավ տրանսպորտային միջանցքի շինարարության մաս:
Ինչպես ակնկալվում է, որ ԵՄ-ն 450 միլիոն եվրո կտրամադրի այդ նախագծի համար: Մինչեւ 2030 թվականը հիմնական խնդիրների թվում նշվում են Երեւան-Վանաձոր ավտոմայրուղու արդիականացման ծրագիրը, որն արժե 7,5 մլն եվրո, Գյումրի-Բավրա ճանապարհի վերակառուցումը` 41 մլն եվրո, ինչպես նաեւ Մեղրիում նոր սահմանային անցակետի կառուցումը` 15 մլն եվրո:
Հիշեցնենք նաև, որ 2017 թվին «Արեւելյան գործընկերության՚ գագաթաժողովին ծրագրում վեց անդամ պետություններ ներառվել են Trans-European տրանսպորտային ցանցում, որի նպատակն է Եվրամիության եւ նրա հարեւանների տրանսպորտային համակարգի կատարելագործումը:
«Արեւելյան գործընկերությունը՚ 2009 թվին Փարիզում մեկնարկած Եվրամիության ծրագիրն է, որի գաղափարը ներկայացրել է Լեհաստանի արտգործնախարար Ռադոսլավ Սիկորսկին: «Արևելյան գործընկերության՚ հիմնական խնդիրը նախկին ԽՍՀՄ վեց երկրների` Ադրբեջանի, Հայաստանի, Բելառուսի, Վրաստանի, Մոլդովայի եւ Ուկրաինայի հետ ԵՄ կապերի զարգացում է: Հայաստանը 2017 թվականին Բրյուսելում կայացած գագաթնաժողովում ստորագրել ԵՄ հետ համապարփակ եւ ընդլայնված գործընկերության շուրջ համաձայնագիրը:
Telcell-ը դուրս է գալիս ինստիտուցիոնալ զարգացման ուղի
Պետությունը պետք է ներդրողի հետ փոխհարաբերությունների կոշտ կանոններ սահմանի, այլ ոչ թե անկանոն կապերի մեջ մտնի նրա հետ. Արթուր Աշուղյան
Վարդան Արամյան. այսօր մեզ համար ամենավտանգավորը գերհավակնոտ և անիրատեսական նպատակների սահմանումն է
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի