2019 թվականին Հայաստանի բանկային համակարգի ակտիվները  հատել են 10 մլրդ դոլարի նշագիծը

Արմինֆո. Հայաստանի բանկային համակարգի ակտիվների աճը 2018 թվականին արագացել է մինչև 14% 2017թ, с 6,4%-ից` հասնելով 4.964 տրլն դրամի (10.3 մլրդ դոլար): ԱրմԻնֆո ԼԳ պատրաստած Հայաստանի բանկերի էքսպրես-ռենքինգի տվյալներով, դրանց կառուցվածքում վարկային ներդրումներն ու այլ փոխատվությունները հատել են 3 տրլն դրամի նշագիծը (6.3 մլրդ դոլար)` տարեկան աճն արագացնելով 2017թ. 4%-ից մինչև 19,2%  2018թ.:

Ակտիվներում վարկային ներդրումների և այլ փոխատվությունների բաժինը հասել է 62%, արժեթղթերում ներդրումներինը` 12,5%, իսկ նոստրո-հաշիվներինն ու միջբանկային ներդրումներինը` 21,2%` մեկ տարվա վաղեմության, համապատասխանաբար, 60,4%, 12,8% և 20,4% դիմաց:

2018 թվին արժեթղթերում բանկերի ներդրումները մեկ տարում ավելացել են 11%-ով, մինչև 619.3 մլրդ դրամ (1.3 մլրդ դոլար), 2017 թվին 22,3% աճի դիմաց: Նոստրո-հաշիվներն ու միջբանկային ներդրումները 2018 թվին ավելացել են 24%-ով, մինչև 1.1 տրլն դրամ (2.2 մլրդ դոլար):

Ըստ ակտիվների առաջատար հնգյակում են Ամերիաբանկը, Արդշինբանկը, Հայբիզնեսբանկը, ԱԿԲԱ-Կրեդիտ Ագրիկոլ Բանկը եւ Ինեկոբանկը, որոնց բաժին է ընկնում բանկային շուկային ընդհանուր ակտիվների 55.3% -ը (նախորդ տարվա նույն ժամանակահատվածի նույն ցուցանիշի և 2016 թ. 53.6%-ի դիմաց), ընդ որում, 42%-ից ավելին կենտրոնացած առաջին եռյակում: Նույն բանկերը համանման հերթականությամբ  առաջատար են նաև վարկային ներդրումների գծով, ըընդգրկելով շուկայի ընդհանուր ծավալի 61%-ը եւ կրկին առաջին եռյակի գերակշռող դիրքով 47% -:

Արժեթղթերում ներդրումների գծով առաջատարն է Արմսվիսբանկը, իսկ երկրորդ եւ երրորդ տեղերում են Ամերիաբանկը եւ Արդշինբանկը, իսկ առաջատար եռյակին բաժին   է ընկնում արժեթղթերում ներդրումների ընդհանուր ծավալի 39% -ը, ընդ որում,  22%-ն առաջատարինն է:

Բարձր լիկվիդայնությամբ ակտիվների համեմատաբար զուսպ դինամիկան, ընդհանուր ակտիվների և ցպահանջ պարտավորությունների աճի տեմպերի արագացման պայմաններում, նվազման է հանգեցրել ընդհանուր և ընթացիկ իրացվելիության մակարդակները: Մասնավորապես, ընդհանուր իրացվելիության մակարդակը, շուկայում միջին հաշվով նվազել է 2017թ. 35,99%-ից մինչև 32,47% (պահանջվող նորմատիվային առնվազն 15%), իսկ ընթացիկ իրացվելիությանը` 2017թ. 222,42%-ից մինչև 183,09% (պահանջվող նորմատիվային min 60%):

Բանկային համակարգի տոկոսային եկամուտները, որոնց առյուծի բաժինը ձևավորվում է  վարակերից, 2018թ. աճը դանդաղեցրել են մինչև 4,2%  2017թ. 12,3%-ից, կազմելով 378 մլրդ դրամ (781.4 մլն դոլար): Ոչ տոոկսային եկամուտները նույնպես դանդաղեցրել են աճը 2018 թվին մինչև 13,6% 2017թ.  29,5%-ից, կազմելով 89.5 մլրդ դրամ (185 մլն դոլար):

Ընդ որում, տոկոսային ծախսերը 2018 թվին կրճատվել են 2%, 2017թ. 8,7% աճի դիմաց, կազմելով 197.2 մլրդ դրամ (407.6 մլն դոլար), իսկ ոչ տոկոսային ծախսերի աճը պահպանվել է, դանդաղեցնելով տեմպերը 14%-ից մինչև 9,2%, կազմելով 145.9 մլրդ դրամ (301.7 մլն դոլար): Արդյունքում,  ընդհանուր եկամուտների տարեկան աճը դանդաղել է 6,1%-ից մինչև 4,5%, ինչին զուգընթաց վատթարացել է  ընդհանուր ծախսերի դինամիկան` 5,3% աճից մինչև 3,9% անկում, ինչի ֆոնին հաշվեկշռային  շահույթի աճն արագացել է  2017թ. 14,1%-ից մինչև 81,9%  2018թ.: Սակայն միայն 2018թ. IV եռամսյակում հաշվեկշռային շահույթի անկումը եղել է 10%, ինչը նման է նախորդ տարվա նույն ժամանակահատվածիօ դինամիկային`  15% անկում, ընդհանուր եկամուտների ու ծախսերի գրեթե միանման անկման պայմաններում (6,8% և 5,9%), ինչը վկայում է հաշվեկշռից թունավոր վարկերի դուրս գրումը շարունակելու մասին:

Նշենք, որ 2017 թվից առ այսօր Հայաստանում գործում է 17 բանկ: