Արմինֆո. ՀՀ տնտեսական զարգացման և ներդրումների նախարար Տիգրան Խաչատրյանն ընդունել է Հայաստանի Հանրապետությունում Բուլղարիայի Հանրապետության արտակարգ և լիազոր դեսպան Մարիա Պավլովա Ցոցորկովա-Կայմակտչիևային։
Հանդիպման ընթացքում քննարկվել են հայ-բուլղարական միջկառավարական հանձնաժողովի հերթական նիստի աշխատանքներին առնչվող մի շարք հարցեր։
Նախարարը և դեսպանն անդրադարձել են նիստի շրջանակներում կայանալիք գործարար համաժողովի կազմակերպչական խնդիրներին։ Մասնավորապես՝ քննարկվել է գործարար խմբերի, ընկերությունների և ասոցիացիաների մասնակցության հարցը։ Կողմերը հույս են հայտնել, որ գործարար համաժողովը երկու երկրների առևտրատնտեսական կապերի զարգացման տեսանկյունից կլինի արդյունավետ։ Քննարկվել են նաև հայ-բուլղարական տնտեսական համագործակցության այլ հարցեր։
ՀՀ Վիճակագրական կոմիտեի տվյալներով՝ Բուլղարիայի հետ Հայաստանի արտաքին առևտրաշրջանառությունը 2018 թ. հունվար-դեկտեմբերին հասել է $259,1 մլն-ի՝ 2017 թ. համեմատ անկումը կազմել է 19,6%: Ըստ որում, արտահանումը կազմել է շուրջ $215,3 մլն (անկումը 23,8%), իսկ ներմուծումը հասել է շուրջ $43,8 մլն (աճը 9,5%):
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |