Արմինֆո.2018 թվականին Հայաստանի ՀՆԱ աճը դանդաղել է մինչեւ 5.2%` հասնելով 6.003 տրիլիոն դրամի (12.4 մլրդ դոլար): Մեկ տարի առաջ, 2017 թվականին, ՀՆԱ աճը 2016 թվականի 0.2% -ից արագացել էր մինչեւ 7.5%: ՀՀ վիճակագրական կոմիտեի տվյալներով, ՀՆԱ-ի դեֆերատոր-ինդեքսը 2018 թվականին կազմել է 102.5%` 2017 թվի 102.2% -ի եւ 2016 թվի 100.3% -ի դիմաց:
ՀՆԱ կառուցվածքում ըստ ծավալի գերակշռոզ նշանակությունը պահպանում են ծառայությունների ոլորտը, առեւտրի եւ արդյունաբերական հատվածները, սակայն ըստ տարեկան աճի դրայվերի դիրքում է միայն սպասարկման ոլորտը: Մասնավորապես, սպասարկման ոլորտը աճի տեմպերն արագացրել է 2017 թվականի 14.4% -ից մինչեւ մինչեւ 18.8%` 2018 թվականին, իսկ առեւտրային հատվածը, ընդհակառակը, դանդաղեցրել է աճը 14% -ից մինչեւ 8.7%:
Արդյունաբերական հատվածը նույնպես դանդաղեցրել է աճը` 12.6%-ից մինչեւ 4.3%, իսկ շինարարական ոլորտի աճն արագացել է 2%-ից մինչեւ 4.5%: Էներգետիկ համալիրի աճի տեմպերը դանդաղել են 6.1% -ից մինչեւ 0.2%: Գյուղատնտեսական հատվածը, որտեղ շարունակվում է անկումը, տեմպերն արագացրել է` 2017 թվականի 3%-ից մինչեւ 7.6%:
2018 թվականին ՀՆԱ-ի եռամսյակային դինամիկան հետեւյալն է. առաջին եռամսյակում 38.8% անկումը երկրորդ եռամսյակում փոխարինվել է 21.6% աճով, որը երրորդ եռամսյակում արագացել է մինչեւ 29.5%, իսկ չորրորդ եռամսյակում կտրուկ դանդաղել է մինչև 7,5%: Նմանատիպ իրավիճակ էր դիտվել 2017 թվականին. առաջին եռամսյակում արձանագրված 38.1% անկումը երկրորդ եռամսյակում փոխարինվել էր 24.3% աճով, երրորդ եռամսյակի ընթացքում արագացել է մինչեւ 35.3%, սակայն այնուհետեւ չորրորդ եռամսյակում դանդաղել է մինչեւ 6.7%:
Հայաստանի մեկ շնչի հաշվով ՀՆԱ-ն 2018 թվականին կազմել է 2.022 մլն դրամ ($ 4.2 հազ.), նախորդ տարվա 1.873 մլն դրամի (3.9 հազ. ԱՄՆ դոլար) դիմաց: Այս ցուցանիշի աճը արձանագրվել է բնակչության թվի 0.3% -ով` մինչեւ 2965.1 հազար մարդ կրճատման ֆոնին` 2018 թվականի հունվարի 1-ի դրությամբ:
Ուշագրավ է, որ 2018 թվականին Հայաստանի ՀՆԱ-ի փաստացի աճը գրեթե հավասար էր Համաշխարհային բանկի կանխատեսած տեմպերիմ (5,2%` կանխատեսված 5,3%-ի դիմաց), Կենտրոնական բանկի ակնկալիքների համեմատ` մի փոքր ավելի բարձր էր (5.2%` կանխատեսված առավելագույնը 5, 1 տոկոսի դիմաց), իսկ պետական բյուջեում ամրագրված 4,5 տոկոսի շեմը գերազանցել է 0,7 կետով:
2018 թվականի հունվար-դեկտեմբեր ամիսներին դրամի միջին հաշվարկային փոխարժեքը կազմել է 482.99 դրամ /1դոլար`կ 2017 թվի հունվար-դեկտեմբերի 482.72 դրամ / 1 դոլարի դիմաց:
Նշենք, որ այս տարվա հունվարին Համաշխարհային բանկի 2019 թվականի թարմացված կանխատեսումում Հայաստանի ՀՆԱ աճը նշված է 4.3%-ի մակարդակում` 2020 թվականին մինչեւ 4,6% արագացմամբ: Ընդ որում, ՀԲ-ն որպես 2019 թվականի տնտեսական աճի դրայվեր նշել է արդյունաբերական հատվածը (6.1%)` ծառայությունների ոլորտի եւ գյուղատնտեսության հատվածի ավելի համեստ աճի պայմաններում (համապատասխանաբար` 3.9% եւ 2.9%): Ինչ վերաբերում է Հայաստանի արտաքին առեւտրին, ապա ՀԲ-ն կանխատեսում է արտահանման 8% և ներմուծման 11.8% աճ:
Նոյեմբերին Հայաստանի Կենտրոնական բանկը վերանայել է ՀՆԱ աճի կանխատեսված միջակայքը միջնաժամկետ հեռանկարում. 2019 թվին` 4.4-5.5%, 2020 թվականին` 3.9-5.4% (նախկինում կանխատեսված, համապատասխանաբար, 4.6-6.4% եւ 4.1-6.2% դիմաց): Հայաստանի Հանրապետության 2019 թվականի պետական բյուջեում ամրագրած է 4.9% ՀՆԱ աճ:
Հիշեցնենք, որ կառավարության որոշմամբ` Հայաստանի Հանրապետության վիճակագրական կոմիտեն ՀՆԱ եռամսյակային եւ տարեկան բացարձակ մեծությունը հրապարակում է հաշվետու ժամանակահատվածից 60-90 օր հետո: