Արմինֆո. Մարտի 25-ին Հայաստանի ֆոնդային բորսան (ԷՅԷՄԷՔՍ) և Կենտրոնական դեպոզիտարիան անցկացրեցին ամենամյա ավանդույթ դարձած մրցանակաբաշխությունը, որն այս տարի ներկայացավ նոր անվանմամբ՝ «AMX մրցանակաբաշխություն 2019ե։
AMX մրցանակաբաշխություն 2019-ի շրջանակներում պարգևատրվեցին բորսայի և դեպոզիտարիայի առավելագույն ակտիվություն դրսևորած անդամները: Մրցանակաբաշխությանը ներկայացված էր 11 անվանակարգ, որից հինգը բորսայի, իսկ վեցը դեպոզիտարիայի գործընկեր կազմակերպությունների համար էր։
Հայաստանի ֆոնդային բորսայի գլխավոր տնօրեն Հայկ Եգանյանը ողջունել է հյուրերին՝ կարևորելով բոլորի, այդ թվում՝ պետական ու ֆինանսական կառույցների, կազմակերպությունների ու արհեստավարժ մասնագետների ներգրավվածությունը հայաստանյան կապիտալի շուկայի զարգացման հարցում։
Հայաստանի կենտրոնական դեպոզիտարիայի գլխավոր տնօրեն Վահան Ստեփանյանը նույնպես ընդգծել է բոլոր կողմերի ակտիվ ներգրավվածության կարևորությունը՝ բարձր գնահատելով Կենտրոնական դեպոզիտարիայի սերտ համագործակցությունը իր գործընկերների հետ։
2018 թվականի արդյունքներով այս տարի AMX մրցանակաբաշխության հաղթողներն են` 1. Կորպորատիվ արժեթղթերի շուկայում բորսայի անդամ 2019
ԱՐՄՍՎԻՍԲԱՆԿ; 2. Պետական պարտատոմսերի շուկայում բորսայի անդամ 2019 ԱՄԵՐԻԱԲԱՆԿ; 3.Ռեպո գործարքների շուկայում բորսայի անդամ 2019
ԱՐՄԵՆԲՐՈԿ; 4. AMX բորսայի անդամ 2019 (AMX Grand Prix 2019)
ԱՐԱՐԱՏԲԱՆԿ; 5.Տարվա գործընկեր առևտրի մասնակից 2019
Արաքսյա Հարությունյան, Արմենբրոկ; 6. Կորպորատիվ արժեթղթերի շուկայում դեպոզիտար համակարգի հաշվի օպերատոր-պահառու 2019; ԱՐՄԵՆԲՐՈԿ; 7. Օտարերկրյա արժեթղթերի շուկայում դեպոզիտար համակարգի լավագույն հաշվի օպերատոր - պահառու 2019 ԱՄԵՐԻԱԲԱՆԿ; 8.Դեպոզիտար համակարգի հաշվի օպերատոր – ռեեստրավար 2019 ԱՐՄԵՆԲՐՈԿ; 9. Կարգավորվող շուկայի հաշվարկային համակարգի անդամ 2019 ԱՐՄՍՎԻՍԲԱՆԿ;10. Արժեթղթերի հաշվառման և հաշվարկային միասնական համակարգի անդամ 2019 ԱՐՄԵՆԲՐՈԿ; 11. Արժեթղթերի հաշվառման և հաշվարկային միասնական համակարգի անդամի աշխատակից 2019 Սիրանուշ Հարությունյան, ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |