Հինգշաբթի, 28 Մարտի 2019 15:37

Արմինֆո. Հարկային բարեփոխումների փաթեթը ուղարկվում է Ազգային ժողով։  Այդ մասին մարտի 28-ին ԱԺ ամբիոնից հայտարարել է վարչապետ Նիկոլ Փաշինյանը՝ պատասխանելով «Իմ քայլը՚ խմբակցության պատգամավոր Արմեն Խաչատրյանի հարցին այն մասին, որ Հարկային օրենսգրքի նոր տարբերակն անհասկանալի է եւ վախեցնում է ներդրողներին։

 

Սակայն, ինչպես կարծում է Հայաստանի կառավարության ղեկավարը, ցանկացած գործունեության հիմքում պետք է դրվի փիլիսոփայություն, առանց որի առկայության դժվար է որոշել հարկային օրենսդրության գերակայությունները: Նրա համոզմամբ, եթե այսօր հրավիրենք 100 հայ տնտեսագետների, կստացվի հարցի լուծման 150 տարբերակ։ Սակայն մեկ բան ակնհայտ է, նկատել է Նիկոլ Փաշինյանը, փոփոխությունների նախագիծն առաջին հերթին ուղղված է հարկային համակարգի պարզեցմանը, որպեսզի այն հասանելի և հասկանալի լինի ոչ միայն տեղական, այլև արտասահմանյան ներդրողների համար։  Կառավարության ղեկավարի համոզմամբ ՝ հնարավոր չէ մեկ քայլով լուծել հարկային ոլորտում առկա խնդիրները։ Պետք է հետևողական, փուլային աշխատանք տարվի հարկային համակարգի բարեփոխման ուղղությամբ ։  Այս համատեքստում, շարունակել է վարչապետը, շատ կարեւոր է եկամտահարկի նոր դրույքաչափերի կիրառումը, որոնք ուղղված են բարձր աշխատավարձով զբաղվածության ապահովմանը։  «Մեզ համար անընդունելի է 80 հազար դրամ աշխատավարձը, որը բարձր համարվի, մեզ համար բարձր աշխատավարձը 800 հազար դրամ է, 1 մլն դրամ, 2 մլն դրամ՚, - նշել է կառավարության ղեկավարը: Նա նշել է, որ բարձր տեխնոլոգիաների ոլորտի պրոֆեսիոնալը պետք է գնահատի Հայաստանում ավելի ցածր հարկային դրույքաչափերը՝ համեմատած այլ երկրների հետ։  «Մեր քաղաքական գիծը աջակցությունն է բարձր աշխատավարձ ստանալուն՚, - արձանագրել է կառավարության ղեկավարը:  Նշենք, որ Հայաստանի կառավարությունը մարտի 7 - ին հերթական նիստում հավանություն է տվել «ՀՀ Հարկային օրենսգրքում փոփոխություններ և լրացումներ կատարելու մասին՚ ՀՀ օրենքի նախագծին:  Ինչպես սպասվում է, փաստաթղթի ընդունման արդյունքում երկարաժամկետ հեռանկարում այն կապահովի ՀՆԱ-ի աճի լրացուցիչ 0,8 տ.կ., սպառման լրացուցիչ աճը կկազմի 0,3-0,4 տ. կ., իսկ զբաղվածությունը՝ մոտավորապես 0,5 տ. կ.: ՀՀ ֆինանսների նախարար Ատոմ Ջանջուղազյանի ասելով, Հայաստանը կբարձրացնի ԱԱՀ չհարկվող շրջանառության շեմը ներկայիս 58,35 մլն դրամից (120 հազար դոլար) մինչեւ 115 մլն դրամ (235 հազար դոլար): 2020 թվականի հունվարի 1-ից ֆինանսների նախարարությունը կբարձրացնի նաև ինքնազբաղ քաղաքացիների և ընտանեկան ձեռնարկատիրության սուբյեկտների համար չհարկվող շեմը՝ համապատասխանաբար 9 մլն դրամից և 18 մլն դրամից դառրձնելով 24 մլն դրամ: Արդյունքում նրանց մնում է վճարել միայն ապրանքների ներմուծման տուրքերը։  2020 թվականի հունվարի 1-ից Հայաստանը նախատեսում է հրաժարվել արտոնագրային հարկի համակարգից` ընդհանուր հարկման համակարգին անցնելու առնչչությամբ: Միկրոձեռնարկատիրությունը կազատվի բոլոր տեսակի հարկերից, բացի եկամտահարկից, որը կկազմի 5 հազար դրամ։  2020 թվականի հունվարի 1-ից Հայաստանը կանցնի եկամտի հարկման համահարթ համակարգի, որը, անկախ աշխատավարձի չափից, կսահմանվի 23 տոկոսի չափով։  Ընդ որում, մինչեւ 2023 թվականը դրույքաչափորն աստիճանաբար կնվազեն` մինչեւ 20%:  Զուգահեռաբար կառավարությունը նախատեսում է աստիճանական վերադարձ պարտադիր կենսաթոշակային համակարգի նախկին պայմաններին։  2020-2022 թթ. կառավարությունը նաեւ առաջարկում է Հայաստանի քաղաքացիների եւ օտարերկրացիների համար շահութահարկի եւ շահաբաժինների հարկի հավասար դրույքաչափեր սահմանել՝ սահմանելով դրանք  23 տոկոսի մակարդակում (20 տոկոսից մինչեւ 18 տոկոս շահութահարկ եւ 10 տոկոսից մինչեւ 5 տոկոս շահութաբաժինների հարկ - խմբ.):  Ֆինանսների նախարարությունն առաջարկում է նաեւ ամրագրել, որ ռեզիդենտ ֆիզիկական անձանց դրսից ստացված  կենսաթոշակները Հայաստանում հարկման ենթակա չեն:

 

ՀՀ ֆինանսների նախարարությունը նոր փաստաթղթում հաշվի է առել ֆիզիկական անձ հանդիսացող ավտոներկրողների շահերը, որոնք 2018 թվականի հունիսի 1 - ից 2-րդ ավտոմեքենայի վաճառքի դեպքում պարտավորեցվում են վճարել եկամտի 20%-ի հարկ, կվերանայվի և կնվազեցվի ավտոմեքենայի գնի մինչև 1% - ը, բայց ոչ պակաս, քան 150 դրամ յուրաքանչյուր ձիաուժի համար:  Նորմին կտրվի հետադարձ ուժ ՝ 2018 թվականի հուլիսի 1-ից, ինչը թույլ կտա վերահաշվարկել հարկային նոր կարգավորումն ուժի մեջ մտնելու պահից կուտակված հարկային պարտքը։   ՀՀ ֆինանսների նախարարությունն առաջարկում է 2019 թվականին վերանայել և «հարստացնել՚ ենթաակցիզային ապրանքների ցանկը: Եկամտահարկի և շրջանառության հարկի դրույքաչափերի իջեցման արդյունքում բյուջեի հարկային կորուստները փոխհատուցելու նպատակով, իսկ դրանց գումարային բացասական ազդեցությունը բյուջեի համար գնահատվում է 39 մլրդ դրամ, Ֆինանսների նախարարությունն առաջարկում է 2019 թվականի հուլիսի 1-ից առաջանցիկ տեմպերով բարձրացնել ծխախոտի և ալկոհոլի, ինչպես նաև գարեջրի ակցիզային հարկի դրույքաչափերը: Ներդրվելու է ակցիզային հարկի դրույքաչափերի ամենամյա շտկման համակարգ (4% - ով)։