ԱՄՆ դեսպանը ՝ Ամուլսարի շուրջ ստեղծված իրավիճակի մասին. Նման վեճերում կարեւոր է հարցի արագ եւ արդյունավետ լուծումը

Արմինֆո.: Շատ կարեւոր է աշխատել Հայաստանի կառավարության հետ ՝ երկրում բիզնեսի եւ ներդրումների համար բարենպաստ, կանխատեսելի եւ թափանցիկ միջավայր ձեւավորելու համար ։  Այս մասին մայիսի 15-ին Երեւանում լրագրողների հետ զրույցում ասել  ՀՀ-ում ԱՄՆ դեսպան Լին Թրեյսին ՝ անդրադառնալով Ամուլսարի հանքավայրի շուրջ ստեղծված իրավիճակին ։

<Եվ դա անհրաժեշտ է ոչ միայն ամերիկյան բիզնեսի համար, այլեւ ընդհանուր առմամբ ներդրողների համար։  Եվ Lydian-ը այդ միջազգային ներդրողներից մեկն է: Կարևոր է նաև, որ միջազգային ներդրողները գործեն տեղական օրենսդրությանը համապատասխան>, - ասել է նա ՝ արձանագրելով, որ այժմ ուսումնասիրություններ են կատարվում և պետք է սպասել դրանց արդյունքներին։

Դրա հետ մեկտեղ, ամերիկացի դիվանագետի խոսքով, նման վեճերում կարեւոր է հարցի արագ եւ արդյունավետ լուծում գտնելը:

Ավելի վաղ Lydian International Limited ընկերությունը, որը կառավարում է Ամուլսարի ոսկեբեր հանքավայրը, տեղեկացրել էր իշխանություններին միջազգային արբիտրաժ դիմելու գործընթաց սկսելու մասին՝ բնապահպանական ակտիվիստների կողմից հանք տանող ճանապարհի շարունակվող շրջափակման կապակցությամբ: Lydian իրավունք ունի պաշտոնական իրազեկումից 3 ամիս անց փաստաթղթերը միջազգային արբիտրաժ ներկայացնել:  Միևնույն ժամանակ, հաղորդագրության մեջ ասվում է, որ ընկերությունը բաց է ՀՀ կառավարության հետ քննարկումների և հրատապ լուծումներ գտնելու համար:

 <Հուսով եմ, որ մեզ կհաջողվի այդ ընկերության հետ հարցերը կարգավորել առանց արբիտրաժային որոշման>,-լրագրողներին հայտարարել է ՀՀ փոխվարչապետ Տիգրան Ավինյանը: <Եթե հանքի տարածքում բնապահպանական փորձաքննության արդյունքները համապատասխանեն բնապահպանական ռիսկերի վերահսկելիության վերաբերյալ Lydian-ի տվյալներին, ապա դատարան դիմելու անհրաժեշտություն չի լինի, եւ ընկերությունը կշարունակի շինարարական աշխատանքները ։ Իսկ եթե պատասխանը վկայի  ռիսկերի առկայությունը, որոնց մասին ընկերությունը նախկինում չի հայտնել, ապա այդ ժամանակ Lydia –ի կողմից դատարան դիմելն իմաստ չի ունենա>,-նշել է փոխվարչապետը ։

Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում:

Նշենք, որ 2018թ. հունիսից Ամուլսարի հանք տանող ճանապարհները շրջափակված են մի խումբ մարդկանց կողմից, ովքեր դեմ են հանքի շահագործմանը: Հայաստանի կառավարությունում կարծում են, որ հանքավայրի շահագործման նախագիծը լրացուցիչ անկախ բնապահպանական փորձաքննության կարիք ունի, որն այժմ իրականացվում է համաշխարհային հեղինակավոր ընկերություններից մեկի կողմից: Սակայն Lydian Armenia-ն, իրավապահ մարմինների փաստացի անգործության պատճառով, շարունակում է վնասներ կրել, հանքի շինարարությունը դադարեցվել է: