Արմինֆո. Խոշոր կենցաղային տեխնիկայի և էլեկտրոնիկայի չինական արտադրող Hisense ընկերությունը մտադիր է մոտ 1 մլն դոլար ներդնել Հայաստանում համատեղ արտադրության ստեղծման նպատակով: Այս մասին, պատասխանելով Արմինֆո-ի հարցին, լրագրողների հետ զրույցում ասել է ընկերության վաճառքի դեպարտամենտի փոխնախագահ Բրավեն Գուաու Յոնգանը:
Ընկերության ներկայացուցչի խոսքով ՝ նա արդեն երրորդ անգամ է գալիս Հայաստան եւ հասցրել է ծանոթանալ տեղի պայմաններին, գործարար մթնոլորտին և ներդրումային միջավայրին: <Մենք տեսնում ենք Հայաստանում մեր ընկրության գործունեության ընդլայնման համար հնարավորություններ>, - հայտարարել է նա:
Ինչպես նշել է Բրավեն Գուաու Յոնգանը, Hisense-ը նախատեսում է համագործակցություն հաստատել տեղական ընկերությունների հետ: Համատեղ արտադրության ստեղծման համար նախատեսված ներդրումների ծավալը առաջին փուլում կկազմի շուրջ 1 մլն դոլար, որի շրջանակներում, ինչպես սպասվում է, կստեղծվի շուրջ 50-100 աշխատատեղ: <Թիվը վերջնական չէ, և հնարավոր է ճշգրտումներ լինեն հայ գործընկերների հետ բանակցությունների ընթացքում>,- հայտարարել Է նա ՝ հավելելով, որ ՀՁ-ն իր գործունեության սկզբում կզբաղվի հեռուստացույցների արտադրությամբ, այնուհետև արտադրանքի տեսականին կընդլայնվի: Ինչպես սպասվում է, համատեղ ձեռնարկության շինարարությունը կմեկնարկի 2020 թվականին:
RUB | 4.19 | -0.01 |
USD | 395.10 | -0.14 |
EUR | 420.39 | 0.41 |
GBP | 492.14 | 0.22 |
CAD | 286.14 | -0.33 |
JPY | 25.55 | -0.01 |
CNY | 54.58 | -0.02 |
CHF | 433.51 | 0.65 |