Արմինֆո. ՎԶԵԲ-ը մինչեւ $15 մլն-ի չափով վարկ է տրամադրում «Հայաստանի էլեկտրական ցանցերե-ին՝ բաշխիչ ցանցերի արդիականացման նպատակով։ Այդ մասին ԱրմԻնֆո-ին հայտնել են ընկերության մամուլի ծառայությունից:
Աղբյուրի համաձայն՝ սա 2017 թվականին ստորագրված՝ $80 մլն արժողությամբ սկզբնական ծրագրի երրորդ տրանշն է: ՎԶԵԲ-ի վարկային միջոցները կօգտագործվեն՝ ֆինանսավորելու էներգաարդյունավետությանն ուղղված նախագծեր, այդ թվում՝ կորուստների նվազեցմանն ուղղված ցածր լարման ենթակառուցվածքների արդիականացումը եւ սմարթ հաշվիչների տեղադրումը՝ էլեկտրամատակարարման որակի բարձրացման նպատակով։
Այս միջոցառումները կբարձրացնեն Հայաստանի բաշխիչ համակարգի արդյունավետությունը, կնվազեցնեն բաշխիչ ցանցի կորուստները եւ կբարելավեն էլեկտրաէներգիայի մատակարարման որակը՝ ապահովելով առավել բարձր հսկողություն եւ էլեկտրաէներգիայի անջատումների հաճախականության եւ տեւողության կրճատում:
«ՎԶԵԲ-ն այժմ փորձում է հասկանալ առաջիկա հինգ տարիների կտրվածքով իր ծրագրերը Հայաստանում, եւ մեզ համար մեկ բան ակնհայտ է, էներգետիկայի ոլորտը եղել եւ մնում գերակա ուղղություն, եւ այս առումով մեր ծրագրերը շարունակական են լինելու: ՀԷՑ-ը մեզ համար շատ հուսալի գործընկեր է, ընդ որում՝ երկարաժամկետ հեռանկարում: Ընկերության բոլոր ցուցանիշներն ու չափորոշիչները համապատասխանում են մեր բանկի կողմից առաջադրված պահանջներինե,- նշել է ՎԶԵԲ առաջին փոխնախագահ Յուրգեն Ռիգտերինկը:
«Մեր համագործակցությունը ՎԶԵԲ-ի, ինչպես նաեւ Ասիական զարգացման բանկի հետ լավագույն օրինակ կարող է ծառայել մասնավոր հատված-միջազգային վարկային ինստիտուտ արդյունավետ փոխհարաբերության տեսանկյունից: Միջազգային բանկերի հետ մեր համատեղ աշխատանքն թե՛ ժամկետների եւ թե՛ ծավալների առումով շատ դրական եմ գնահատումե,- ասել է «Հայաստանի էլեկտրական ցանցերե ընկերության գլխավոր տնօրեն Կարեն Հարությունյանը:
ՎԶԵԲ-ը Հայաստանում առաջատար ինստիտուցիոնալ ներդրող է եւ ակտիվ է տնտեսության բոլոր ոլորտներում: 1992-ից Հայաստանում իր գործունեության մեկնարկի օրվանից ի վեր՝ ՎԶԵԲ-ը €1,36 մլրդ է ներդրել երկրի ֆինանսական, կորպորատիվ, ենթակառուցվածքների եւ էներգետիկայի ոլորտներում 178 ծրագրերում, ընդ որում՝ ներդրումների 90%-ը բաժին է ընկնում մասնավոր հատվածին:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի