ԵԱԶԲ. Հայաստանի իշխանությունների կողմից  որոշում է  ընդունվել  հրաժարվել բյուջեի ընթացիկ ծախսերին աջակցելու նպատակով  նոր փոխառություններ ներգրավելուց.

Արմինֆո.Ֆիսկալ իրավունքի պահանջներով ամրապնդված և պարտքային կայունության բարձրացմանն ուղղված ֆիսկալ կոնսոլիդացիայի շարունակվող գործընթացի շրջանակներում Հայաստանի իշխանությունները որոշում են կայացրել 2020 թվականից ի վեր բյուջեի ընթացիկ ծախսերին աջակցելու նպատակով նոր փոխառությունների ներգրավումը մերժելու մասին:

Հաշվի առնելով այս փաստը, ինչպես նաև ներդրումային նախագծերի մասով Հայաստանի Հանրապետության հետ ԿԶԵՀ-ի շարունակական համագործակցությունը, համաձայնություն է ձեռք բերվել շարունակել խորհրդակցությունները կողմերի միջև հետագա համագործակցության առավել հեռանկարային գործիքների վերաբերյալ:  Դա նշված է Եվրասիական զարգացման բանկի (ԵԱԶԲ) ՝ 2019 թվականի սեպտեմբերի 25-27 -ին  Հայաստան այցելած կայունացման եւ զարգացման եվրասիական հիմնադրամի (ԿԶԵՀ) նախագծային բլոկի մոնիթորինգային առաքելության աշխատանքի արդյունքների վերաբերյալ այսօր տարածված հաղորդագրության մեջ:

Ինչպես նշվում է  հաղորդագրության մեջ, այցի հիմնական նպատակն էր 2015-2017 թվականներին Հայաստանին տրամադրված Եվրասիական տնտեսական միության ֆինանսական վարկի ($100 մլն - խմբ.) աջակցությամբ իրականացվող բարեփոխումների մակրոտնտեսական իրավիճակի և առաջընթացի դիտարկումը:

Առաքելության ընթացքում հանդիպումներ են տեղի ունեցել ՀՀ ֆինանսների, էկոնոմիկայի նախարարության և Կենտրոնական բանկի ղեկավարների և փորձագետների հետ: Բացի այդ, թիմը հանդիպել է միջազգային դոնորների ներկայացուցչությունների ղեկավարների և փորձագետների հետ, ներառյալ Արժույթի միջազգային հիմնադրամը, Համաշխարհային բանկը և Ասիական զարգացման բանկը ՝ Հայաստանի Հանրապետությունում բարեփոխումների կարևորագույն ուղղությունները քննարկելու նպատակով: 

Խորհրդակցությունների արդյունքներով նշվել է, որ Հայաստանի ընթացիկ տնտեսական զարգացման կայուն տեմպերը և միջնաժամկետ հատվածում բարենպաստ կանխատեսումները պահպանվում են իշխանությունների կողմից տնտեսական աճի համար բազայի ընդլայնմանը նպաստող առավել մրցակցային, թափանցիկ և արդար ներդրումային միջավայրի ստեղծման բարեփոխումների շնորհիվ: