Արմինֆո. ՀՀ էկոնոմիկայի նախարարի տեղակալ Վարոս Սիմոնյանն օրերս ընդունել է աշխարհի չորս առաջատար բանկերից մեկը հանդիսացող չինական Bank of China Քաթարի մասնաճյուղի նախագահ Լին Շենգքիանգի գլխավորած պատվիրակությանը:
Լին Շենգքիանգը հակիրճ ներկայացրել է Bank of China բանկի գործունեությունը, որն ուղղված է տնտեսության իրական հատվածի փոքր և միջին ձերնարկությունների սպասարկմանն ու դրանց համար վերսահմանային կապերի ձևավորման հարթակ ստեղծելուն: Ներկայումս բանկը ներգրավված է աշխարհի 108 երկրների ավելի քան 30․000 ընկերությունների հետ վերսահմանային կապեր հաստատելու գործընթացում:
Որպես համագործակցության մեկնարկ, Լին Շենգքիանգը առաջարկել է հետաքրքրություն ցուցաբերող հայկական ընկերություններին օգտվել բանկի ծառայություններից անվճար: Նա նշել է նաև, որ ընթացիկ տարվա նոյեմբերի 5-ին բացվող Shanghai Export-Import ցուցահանդեսը նույնպես լավ հնարավորություն կընձեռի ցուցահանդեսի մանսակիցների համար: Միաժամանակ նա տեղեկացրել է, որ ցուցահանդեսի հարթակը հնարավորություն է ընձեռում վիրտուալ ցուցադրում կատարել և ներկայացնել ընկերությունների մասին տեսահոլովակներ:
Լին Շենգքիանգը փոխանցել է նաև տեղեկատվություն Supply-Demand Matchmaking Conference of the Second China International Import Expo ցուցահանդեսի մասին և խնդրել տարածել այն հայ գործարարների շրջանում։
Էկոնոմիկայի նախարարի տեղակալ Վարոս Սիմոնյանը շնորհակալություն է հայտնել հետաքրքիր տեղեկատվության համար և խոստացել նշված նյութերը փոխանցել շահագրգիռ -կառույցներին:
RUB | 4.26 | 0.03 |
USD | 387.92 | 0.60 |
EUR | 417.83 | 1.73 |
GBP | 487.81 | 1.41 |
CAD | 283.67 | 0.15 |
JPY | 25.22 | -0.08 |
CNY | 53.82 | 0.33 |
CHF | 428.31 | 1.46 |