Արմինֆո.Հայաստանի կառավարությունը պետք է վստահ լինի կապիտալ ծախսերի իրականացման ռիսկերի բացակայության հարցում, հոկտեմբերի 9-ին <Ի՞նչ անել-2. տնտեսական հեղափոխություն՝ընկալումը եւ գործարկումը> գիտագործնական խորհրդաժողովում ասել է փոխվարչապետ Մհեր Գրիգորյանը՝ ԱրմԻնֆո-ին մեկնաբանելով 2019 թ. կապիտալ ծախսերի զգալի թերակատարման պատճառներն ու հնարավոր սպառնալիքները:
Նրա խոսքով՝ այս փուլում երկրի իշխանությունները մտածել են ինչպես ծրագրերի իրականացման գործընթացի պարզեցման, այնպես էլ՝ դրանց արդյունավետության և հնարավոր կոռուպցիայի հետ կապված ռիսկերի վերացման մասին։ <Այս համատեքստում, կարծում եմ, այո, պետք է շտապել, բայց շտապել դանդաղ եւ ոչ ռիսկերի հաշվին, որի վերջնական արդյունքը կդառնա արդյունավետ ծրագրերի թափանցիկ իրականացումը>, - պարզաբանել է նա:
Ավելի վաղ ԱրմԻնֆո - ն հայտնել էր, որ 2019 թվականի առաջին կիսամյակի տվյալներով՝ պետական բյուջեի ծախսերը չեն կատարվել 17,3 տոկոսով ՝ նախատեսված 769,5 մլրդ դրամից ծախսվել է 636,7 մլրդ դրամ: Նշված ժամանակահատվածում նախատեսված 89.4 մլրդ դրամ կապիտալ ծախսերից իրացվել է ընդամենը 23.5 մլրդ դրամ։ Ընդհանուր առմամբ, ընթացիկ տարվա համար նախատեսված 220 մլրդ կապիտալ ներդրումներից
ս. թ. հուլիսի վերջին իրացվել է 39 մլրդ դրամ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |