Արմինֆո.ԱՐԴՇԻՆԲԱՆԿԻ հաճախորդներն այսուհետ ՅՈՒՓԵՅ ՓԲԸ 42 մասնաճյուղերում կարող են կատարել հաշիվների համալրումներ ու վարկերի մարումներ առցանց ռեժիմով:
Սա ևս մեկ քայլ է դեպի հաճախորդը: Բանկը շարունակաբար բարելավում է սպասարկման պայմանները և քայլեր է ձեռնարկում հաճախորդի համար սպասարկման գործընթացն առավելագույնս հարմարավետ և ավելի մեծ աշխարհագրությամբ հասանելի դարձնելու ուղղությամբ:
uPay մասնաճյուղերը գտնվում են Ucom սպասարկման կենտրոններում, որոնցից 20-ը գտնվում են Երևանում, իսկ 22-ը՝ մարզերում:
***
Արդշինբանկը Հայաստանի միակ մասնավոր ընկերությունն է, որը միջազգային կապիտալի շուկաներում թողարկել է եվրոպարտատոմսեր: Բանկն ունի միջազգային հեղինակավոր վարկանիշային գործակալություններից ստացված վարկանիշ՝ հավասար Հայաստանի Հանրապետության վարկանիշային մակարդակին: «Financial Times» կազմակերպության «The Banker» ամսագրի կողմից ճանաչվել է Հայաստանի 2018 թվականի «Տարվա լավագույն բանկ»:
