Ուրբաթ, 1 Նոյեմբերի 2019 17:11

Արմինֆո.2006 թվականից ԱՐԱՐԱՏԲԱՆԿ-ի Վարչության նախագահ Աշոտ Օսիպյանը լքում է Հայաստանը: Լրագրողների հետ հրաժեշտի հանդիպման ժամանակ նա հայտնել է, որ միջազգային հեղինակավոր կառույցից ստացել է աշխատանքի հրավեր, որի մասին կտեղեկացնի ավելի ուշ:

 

13 տարվա ընթացքում, երբ Ա. Օսիպյանը ղեկավարում էր ԱՐԱՐԱՏԲԱՆԿ-ը, նրան հաջողվեց զգալիորեն բարձրացնել բանկի ցուցանիշները, որը փաստացի ճանապարհի սկզբում էր: Այսպես՝ 2006-2019 թթ. ընթացքում բանկի ակտիվներն աճել են 31 անգամ ՝ 7.1 մլրդ դրամից հասնելով 218.5 մլրդ դրամի, վարկային պորտֆելը ՝ 53 անգամ՝

2.5 մլրդ-ից մինչև 131.5 մլրդ, ընդհանուր կապիտալը ՝ 9.7 անգամ ՝ 3.9 մլրդ-ից մինչև 37.9 մլրդ: 2019 թվականի հոկտեմբերի 1-ի դրությամբ հաջողվել է զուտ շահույթը հասցնել 17 մլրդ դրամի: Այս ընթացքում մասնաճյուղային ցանցը 2 ստորաբաժանումներից ընդլայնվել է մինչև 59-ը: Աշխատակիցների թիվը 70-ից հասել է 940-ի ։

 

Ա. Օսիպյանի մշակած՝ բանկի զարգացման ռազմավարական ծրագիրը ստացել մի շարք միջազգային ֆինանսական կազմակերպությունների եւ ինստիտուցիոնալ ներդրողների աջակցությունը: Նման աջակցության կարևոր հանգամանք է հանդիսացել բանկիրի բարձր պրոֆեսիոնալիզմը, երկրի տնտեսության և բանկային բիզնեսի զարգացման նրա տեսլականը, ինչը թույլ էր տալիս ներդրողներին բարձր վստահությամբ վերաբերել բանկին: Օսիպյանը բանկի գործառույթները հաջողությամբ եւ գրագետ բաժանել է երեք հիմնական ուղղությունների ՝ ունիվերսալ, դիջիթալ եւ ներդրումային բանկինգ: Ֆինանսական շուկայի բոլոր երեք հատվածներում բանկը հասել է բարձր արդյունքների և զբաղեցրել է որոշակի ամուր դիրքեր: <Ինձ համար դժվար է հեռանալ բանկից, որին մասնագիտական կարիերայի այդքան տարիներ և այդքան ուժ եմ տվել, բայց պետք է առաջ շարժվել: Հավանաբար՝ առաջ ընթանալու, նոր բարձունքներ նվաճելու ձգտման պատճառով, չէ որ ես ինքս իմ ողջ կյանքում սովորել եւ սովորեցրել է իմ աշխատակիցներին, ուսանողներին>, - ասել է բանկիրը:

 

Օսիպյանը կարիերան սկսել է 90-ականների կեսին Ֆինանսների նախարարությունում, շարունակել է այն Կենտրոնական բանկում, այնուհետեւ ձեռնամուխ է եղել <Հայէկոնոմբանկ> - ի՝ ճգնաժամից դուրս բերմանը: Երբ նրան հրավիրել էին ղեկավարելու ԱՐԱՐԱՏԲԱՆԿԸ, այն նույնպես անմխիթար վիճակում էր, միջազգային կառույցները պահանջում էին վերջինիս փակումը՝ բացարձակ տխուր հաշվեկշռի պատճառով ։  Դրա համար էլ Օսիպյանին բանկային հանրությունում անվանել են երկրի լավագույն ճգնաժամ մենեջերը։

 

Այսօր <հին> բանկիրները կատակում են. <Հետաքրքիր է՝ ո՞ր ինստիտուցիոնալ միջազգային բանկային ներդրողի մոտ են առաջացել ճգնաժամային լուրջ երևույթներ, որ Օսիպյանին հրավիրել են աշխատանքի>։

 

ԱրմԻնֆո-ի տեղեկությունների համաձայն՝ Աշոտ Օսիպյանը աշխատանքի է հրավիրվել Վերակառուցման եւ զարգացման եվրոպական բանկում (EBRD):

 

Ինչպես  ԱրմԻնֆո-ին հայտնել են ԱՐԱՐԱՏԲԱՆԿ-ում, վարչության նախագահի ժամանակավոր պաշտոնակատար է նշանակվել Ա․ Օսիպյանի տեղակալ Կարեն Սարգսյանը։