Երկուշաբթի, 4 Նոյեմբերի 2019 18:14
Նաիրա Բադալյան

Ջրի գործող սակագինը կպահպանվի 2020 թվականին, սակայն գազի և էլեկտրաէներգիայի հարցը բաց է մնում. ՀԾԿՀ ղեկավար

Ջրի գործող սակագինը կպահպանվի 2020 թվականին, սակայն  գազի և էլեկտրաէներգիայի հարցը բաց է մնում. ՀԾԿՀ ղեկավար

Արմինֆո. Ջրի գործող սակագինը պահպանվելու է 2020 թվականին, սակայն գազի եւ էլեկտրաէներգիայի հարցը դեռ բաց է մնում։ Այս մասին նոյեմբերի 4-ին լրագրողների հետ զրույցում ասել է Հանրային ծառայությունները կարգավորող հանձնաժողովի նախագահ Գարեգին Բաղրամյանը ։

 

Բացի այդ, ինչպես պարզաբանել Է Բաղրամյանը, սահմանված պրակտիկայի համաձայն,  ամեն տարի  մինչեւ օգոստոսի 10-ը, "Վեոլիա Ջուր" ընկերությունը դիմում է ՀԾԿՀ ՝ հիմք ընդունելով բազային սակագինն ու ճշգրտումները ՝ կախված էլեկտրաէներգիայի սակագնից, գնաճի տեմպից, ինչպես նաեւ ջրամատակարարման ոլորտում մանրածախ մատակարարումների ծավալներից: Վերջին դեպքում հաշվի են առնվում ջրի իրացման փաստացի ծավալները ՝ վարձակալության պայմանագրում ամրագրված բազիսային ցուցանիշների համեմատ։ Բայց քանի որ "Վեոլիան" ավանդաբար օգտվում է տարեսկզբից մինչեւ հունիսի տվյալներից , իսկ ՀԾԿՀ-ն տվյալներ ունի նաեւ հուլիս ամսվա համար, ապա սակագնի վերանայման ժամանակ կարգավորիչը հիմնվում է իր ՝ ավելի թարմ տվյալների վրա: "Այս տարվա հուլիսին 2018-ի հուլիսի համեմատ ջրի սպառումը աճել է մոտ 1 մլն խմ-ով, ինչը ավտոմատ կերպով հանգեցնում է սակագնի որոշակի նվազեցման։  Այսինքն ՝ միայն տվյալ գործոնի հիման վրա առաջարկված 181.8 դրամ սակագինը կրճատվում է 1 դրամով", - նշեց Բաղրամյանը։ Սպառման ծավալների արձանագրված ավելացումը, ինչպես պարզաբանել է ՀԾԿՀ նախագահը, ջրի գողության եւ ապօրինի սպառման ծավալների կրճատման, ինչպես նաեւ տնտեսության աճի արդյունք է: 3-րդ տարին անընդմեջ կարգավորիչն իրականացնում է "մանրածախների" ջրամատակարարման փաստացի ծավալների մոնիտորինգ ' ջրամատակարարման համակարգին ապօրինի միացման  դեպքերը և խախտումները բացահայտելու համար:

 

Ինչպես նշել է Բաղրամյանը, այսօր ավարտվել է ջրամատակարարման ոլորտում մանրածախ մատակարարումների ծավալների հերթական մոնիթորինգը: <Կարող եմ տեղեկացնել, որ ջրի գործող սակագինը կպահպանվի, և թանկացումներ չեն լինի>, - ասել է նա: Դրա հետ մեկտեղ, ինչպես հայտնել է Բաղրամյանը, 2020 թվականի հունվարից կառավարությունը չի սուբսիդավորի 1 խմ ջրի համար 11,414 դրամի չափով սակագնի տարբերությունը, որը սահմանված է 2018 թվականի հունվարի 1-ից 1 խմ-ի համար 191,414 դրամի մակարդակում:

 

Ինչ վերաբերում է գազի և էլեկտրաէներգիայի սակագնի հնարավոր վերանայմանը, ապա, ըստ ՀԾԿՀ ղեկավարի, այդ ուղղությամբ նորություն չկա: <Էլեկտրաէներգիայի մասով հնարավոր կլինի ավելի առարկայական խոսել միայն 10-15 օրից, երբ կհստակեցվի էլեկտրաէներգիայի սպառման եւ արտադրության 2021 թվականի հաշվեկշիռը>, - նշել է նա:

 

Անդրադառնալով այն հայտարարություններին, թե վերջնական սպառողի համար գազի սակագինը ամեն դեպքում չի բարձրանա ձմեռային սեզոնին՝ Գարեգին Բաղրամյանը նշել է, որ նման <սահմանափակումները> պայմանավորված են զուտ ընթացակարգային ժամկետներով: Այսինքն՝ երբ ռուսական <Գազպրոմը> որոշում կայացնի գազի սակագնի վերաբերյալ, <Գազպրոմ Արմենիան> կդիմի ներքին սպառողի համար սակագնի վերանայման հայտով, որը ՀԾԿՀ-ն կքննարկի 80 աշխատանքային օրվա ընթացքում ։  Այդ ժամանակ էլ սակագինը կսահմանվի նշված 80 աշխատանքային օրվա ավարտից հետո և ուժի մեջ կմտնի 30 օրը լրանալուց հետո ՝ արդեն 2020 թվականի գարնանը ։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
21.02.2020
RUB7.43-0.07
USD478.35-0.02
EUR517.050.36
GBP617.790.45
CAD360.80-0.23
JPY42.82-0.14
CNY68.13-0.18
CHF487.270.48



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000