Արմինֆո.Նոյեմբերի 6-ին Արդշինբանկի աշխատակիցների երեխաները հանդիպեցին Հայաստանը «Մանկական Եվրատեսիլ 2019» երգի միջազգային մրցույթում ներկայացնող Կարինա Իգնատյանի հետ:
Հանդիպման ժամանակ Կարինան խոսեց երաժշտության աշխարհում իր ճանապարհի մասին, կիսվեց նախնական փուլերում հաղթելու տպավորություններով, ինչպես նաև պատասխանեց ներկաների բազմաթիվ հարցերին: Փոքրիկ ունկնդիրներին հետաքրքրում էին այնպիսի հարցեր, ինչպիսին են. արդյո՞ք Կարինան ցանկանում է հետագայում դառնալ պրոֆեսիոնալ երգչուհի, ո՞վ է իր սիրած երգիչ և երգահանը, ի՞նչ է սիրում ամենից շատ նկարել, արդյո՞ք իր համար դժվար է համատեղել դասերն ու երգարվեստը, և ինչ հատկանիշներով պետք է օժտված լինի Կարինայի ընկերը:
Հանդիպման առանձնահատուկ պահերից էր ութամյա Մարիի խնդրանքը բոլոր այն երեխաներին, որոնց Կարինան հանդիպելու է մրցույթի ընթացքում՝ միասին պայքարելու խաղաղության համար: «Ես նամակ եմ գրել աշխարհի երեխաներին և խնդրում եմ քեզ փոխանցել բոլոր նրանց, ում հանդիպելու ես մրցույթի ընթացքում: Ես ուզում եմ կոչ անել բոլոր երեխաներին միասին պայքարել հանուն խաղաղության, ընկերանալ և երգել ուրախ երգեր: Թող խաղաղություն լինի ամբողջ աշխարհում»: - նշվում է նամակում, որը ինչպես Մարին հայտնեց, օգնել է գրել իր մայրիկը:
Հանդիպման ավարտին Արդշինբանկի վարչության նախագահ Արտակ Անանյանը Կարինային նվիրեց նկարչական պրոֆեսիոնալ մոլբերտ՝ մաղթելով բարի ճանապարհ և հաջող կատարում:
«Մենք համոզված ենք, որ դու կանես քեզանից կախված առավելագույնը: Նկարիր, երգիր, երջանկացրու ծնողներիդ և բոլորիս» - հրաժեշտի իր խոսքում նշեց Ա. Անանյանը:
Նշենք, որ Արդշինբանկը «Մանկական Եվրատեսիլ 2019» երգի մրցույթի Գլխավոր գործընկերն է: Տասներեքամյա Կարինա Իգնատյանը այս տարի Հայաստանը կներկայացնի «Colors Of Your Dream» երգով:
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՀԿԵ-ն շեշտը դնում է սպասարկման որակի և փոխադրումների նոր ձևաչափերի վրա 
Հայաստանը պատրաստվում է պետական պարտքի "ռեբրենդինգի"
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"