Արմինֆո.2020 թվականին կանխատեսվում է օտարերկրյա պետությունների քաղաքացիների կողմից Հայաստան զբոսաշրջային այցելությունների աճ։ Այս մասին նոյեմբերի 14-ին խորհրդարանի ամբիոնից հայտարարել է ՀՀ էկոնոմիկայի նախարար Տիգրան Խաչատրյանը:
Նրա խոսքով ՝ կարեւոր է, որ աճում է աշխարհի առաջատար պետությունների քաղաքացիների այցելությունների քանակը։ Այսպես՝ ընթացիկ տարվա առաջին 9 ամիսների ընթացքում զբոսաշրջության ոլորտում գրանցվել է 14,4 տոկոս աճ։ Նշված ժամանակահատվածում երկիր է այցելել 1, 046 մլն մարդ, որոնց զգալի մասը կազմում են Ռուսաստանի Դաշնության քաղաքացիները ՝ 646 հազար մարդ (23,1 տոկոս աճ): 18,5 տոկոսով ավելացել է ԱՄՆ քաղաքացիների, 29 տոկոսով ՝ Լիբանանի քաղաքացիների, 21 տոկոսով ՝ Ֆրանսիայի քաղաքացիների, 30-40 տոկոսով ՝ Շվեդիայի, Շվեյցարիայի եւ Հունաստանի քաղաքացիների, 23 տոկոսով ՝ Նիդեռլանդների քաղաքացիների այցելությունների թիվը: Նախարարը հատուկ ուշադրություն է դարձրել Հարավային Կորեայի (37,6 տոկոս աճ), Չինաստանի (42,1 տոկոս) եւ Ճապոնիայի (18,5 տոկոս) քաղաքացիների այցելությունների թվի աճին: Այս ամենը, նախարարի խոսքով, վկայում է Հայաստանի գրավչության զգալի աճի մասին ։
Տիգրան Խաչատրյանը վստահություն է հայտնել, որ զբոսաշրջության ոլորտի աճի տեմպերը կշարունակվեն նաև 2020 թվականին: Ոլորտի զարգացմանը հաջորդ տարի կուղղվի 6,3 մլրդ դրամ։
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար