Արմինֆո. Եթե մի քանի տարի առաջ հայկական բիզնեսը չէր կարող ուղղակիորեն աշխատել ռուսական առևտրային ցանցերի հետ, և ստիպված էր բիզնեսը վարել դիստրիբյուտորների միջոցով, ապա այսօր իրավիճակն այդ առումով շատ ավելի լավ է:
Այսպիսի կարծիք է հայտնել Եվրասիական տնտեսական հանձնաժողովի (ԵՏՀ) մրցակցության և հակամենաշնորհային կարգավորման հարցերով Կոլեգիայի անդամ (նախարար) Ժումանգարին Սերիկ Մակաշևիչը նոյեմբերի 20-ին կայացած <Արդյունավետ մրցակցության ապահովումը թվայնացվող աշխարհում> խորագրով համաժողովի շրջանակներում կայացած ճեպազրույցում:
ԵՏՀ ներկայացուցչի խոսքով ՝ ներկայումս հայկական բիզնեսն իր արտադրանքով բավականին լավ ներկայացված է ռուսական առևտրային ցանցերում: Դա, ինչպես կարծում է Ժումանգարին Սերիկ Մակաշեւիչը, լավ փորձ է, քանի որ ռուսական շուկային բաժին է ընկնում ԵԱՏՄ 183 մլն-անոց շուկայի ավելի քան 85 տոկոսը, իսկ ռուսական առեւտրային ցանցերն, անշուշտ, գերիշխող դիրք են զբաղեցնում: <Դուրս գալ առեւտրային ցանցերի ռուսական շուկա նշանակում է առաջարկել շուկայի պահանջներին բավարարող լավ որակի ապրանք: Նշանակում է, որ հայ գործարարները կարողանում են կատարել առաջադրված խնդիրը, ինչն էլ իր հերթին վկայում է այն մասին, որ այստեղ զարգանում են որոշակի ապրանքատեսակներ, որոնք կարող են բավարար քանակություն ապահովել ԵՏՄ անդամ երկրի համար>,-նշել է նա։
Կոլեգիայի անդամը համոզված է, որ ՌԴ առևտրային ցանցերում հայկական արտադրանքի առկայության հարցն այսօր այնքան սուր չէ, որքան մի քանի տարի առաջ: <Հնարավոր է, այսօր ինչ-որ մեկը աշխատում է դիստրիբյուտորների միջոցով, ում դա ձեռնտու է։ Հաճախ դա լինում է նրանց մոտ, ովքեր ապրանքի մեծ տեսականի չունեն կամ չեն կարող մեծ ծավալներով արտադրանք մատակարարել>, - եզրափակել է ԵՏՀ ներկայացուցիչը։
RUB | 4.27 | 0.00 |
USD | 394.71 | -0.97 |
EUR | 427.55 | -1.96 |
GBP | 498.56 | -2.21 |
CAD | 290.38 | -1.33 |
JPY | 26.11 | -0.04 |
CNY | 54.62 | -0.20 |
CHF | 435.85 | -3.60 |