Արմինֆո. «Հայաստանի արտահանման ապահովագրական գործակալություն» ԱՓԲԸ-ն (ՀԱԱԳ) հերթական խոշոր (մոտ 30 մլն ՀՀ դրամ) ապահովագրական հատուցումն է տրամադրել, այս անգամ՝ ձկնաբուծությամբ զբաղվող հայկական ընկերություններից մեկին: Գործակալությունից ԱրմԻնֆո-ին տրամադրված հաղորդագրության համաձայն, իր գործունեության ընթացքում ՀԱԱԳ-ը մի շարք արտահանող ընկերություների արդեն իսկ տրամադրել է շուրջ 300 մլն ՀՀ դրամի չափով ապահովագրական հատուցում՝ այդպիսով ծածկելով ՀՀ արտահանողների կրած վնասները և վերջիններիս համար ապահովելով առանց ռիսկերի արտահանում:
ՙԸնդ որում, ՀԱԱԳ 2019 թվականի գործունեության արդյունքում գրանցվել է ցուցանիշների զգալի աճ՝ 2019թ. նոյեմբերի 1-ի դրությամբ նախորդ տարվա նույն ժամանակահատվածի համեմատ ապահովելով ապահովագրական պորտֆելի շուրջ 75 տոկոսանոց աճ: 100 տոկոս պետական մասնակցությամբ այս ընկերությունը Հայաստանի տարածքում գործող միակ ապահովագրական ընկերությունն է, որը ծառայություններ է մատուցում՝ ուղղված ՀՀ ռեզիդենտ տնտեսվարող սուբյեկտների արտահանման հետ կապված հնարավոր վնասների նվազեցմանը և ֆինանսական ռեսուրսների հասանելիության ապահովմանը: ՀԱԱԳ կողմից մատուցվող ապահովագրական ծառայությունները հանդիսանում են արդյունավետ լուծում հաճախորդների արտահանման ռիսկերի կառավարման համար: Առաջիկայում ՀԱԱԳ-ը նախատեսում է ընդլայնել համագործակցությունը Հայաստանի ֆինանսական կառույցների, ինչպես նաև միջազգային համանման ընկերությունների հետ՝ ներդնելով արտահանման խթանմանն ուղղված նոր ծառայություններ՚, - ասվում է հաղորդագրությունում։
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |