Շաբաթ, 30 Նոյեմբերի 2019 13:39
Ալինա Հովհաննիսյան

ԵՄ-ն Հայաստանին 69 մլն եվրո է հատկացրել էներգաարդյունավետության բարձրացման ծրագրերի համար

ԵՄ-ն Հայաստանին 69 մլն եվրո է հատկացրել էներգաարդյունավետության բարձրացման ծրագրերի համար

Արմինֆո. Գործողությունների ծրագրի շրջանակում ԵՄ-ն Հայաստանին 69 մլն եվրո է հատկացրել էներգաարդյունավետության բարձրացման ծրագրերի համար: Այս մասին նոյեմբերի 30-ին Վայք Եւ Սպիտակ քաղաքներում վերականգնվող էներգիայի եւ էներգաարդյունավետության հնարավորություններ " ծրագրի փակման արարողության ժամանակ ասել է ՀՀ-ում ԵՄ դեսպան Անդրեա Վիկտորինը, ընդգծելով, որ այդ ուղղությամբ աջակցությունը կրելու է շարունակական բնույթ։

 

Այդ կապակցությամբ նա նշել է, որ այս ծրագրի շրջանակներում 1 մլն եվրո գումարով վերանորոգվել է 45 շենք։  Բացի այդ, կառուցվել են 5 արևային ֆոտովոլտային կայաններ ՝ 1-ը Սպիտակ քաղաքում,  և 4-ը Վայքում:  Ծրագրի շահառուներ են դարձել Սպիտակում 1160 և Վայքում 2640 մարդ։

 

Տիկին Վիկտորինի խոսքով՝ էներգետիկան Հայաստանի եւ Եվրամիության միջեւ Համապարփակ եւ ընդլայնված գործընկերության համաձայնագրի շրջանակներում համագործակցության կարեւորագույն բաղադրիչներից մեկն է: "Վերականգնվող էներգետիկայի ոլորտի զարգացումը թույլ կտա Հայաստանին նվազեցնել ներկրվող էներգակիրներից կախվածությունը եւ կլիմայի վրա բացասական ազդեցությունը",

- ասել է նա:

 

Հիշեցնենք, որ ավելի վաղ Եվրամիությունը հայտարարել էր հայկական էներգետիկայի ոլորտում նախագծերի ֆինանսավորման ծավալներն ավելացնելու մտադրության մասին:

Ինչպես նշվել է, հատուկ ուշադրություն է դարձվելու այլընտրանքային եւ վերականգնվող էներգետիկայի զարգացման, էներգետիկ արդյունավետության մակարդակի բարձրացման հետ կապված հարցերին: Այդ նպատակով նախատեսվում է անգամ ձևավորել էներգաարդյունավետության խորհուրդ, որը կկարգավորի ոլորտի նախագծերը։ Ծրագրերի իրականացման համար կներգրավվեն նաեւ ԵՄ "Արեւելյան գործընկերություն" ծրագրի միջոցները, որի շրջանակներում հանրապետությունը կստանա շուրջ 80 մլն եվրո: Եվս 300 մլն եվրո կուղղորդվի ԵՄ եւ եվրոպական ֆինանսական հաստատությունների կեղմից երկրի էներգետիկ համալիրի անվտանգության մակարդակի բարձրացման եւ էներգիայի աղբյուրների դիվերսիֆիկացման համար: Միջոցների մեծ մասը կտրամադրվի վարկերի, մյուս մասը՝ դրամաշնորհների տեսքով։ 

Ընդ որում, առաջնահերթ են համարվելու էներգետիկ արդյունավետության ոլորտի նախագծերը, որոնք պետք է ուղղված լինեն էներգիայի ներմուծումից կախվածության նվազեցմանը, դրա աճող պահանջարկի համահարթմանը եւ ավելի մատչելի, տնտեսող, ինչպես նաեւ բնապահպանական էներգետիկ լուծումների տրամադրմանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
07.08.2020
RUB6.58-0.04
USD485.00-0.18
EUR573.17-2.20
GBP634.96-4.31
CAD362.97-2.54
JPY45.91-0.04
CNY69.880.01
CHF530.75-3.71



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000