Երևանում տրվել է նախագծի պաշտոնական մեկնարկը

Արմինֆո. Ֆրանսիան Հայաստանի կողքին է ժամանակակից տեղեկատվական տեխնոլոգիաների զարգացման ոլորտում։  Այս մասին դեկտեմբերի 2-ին Երեւանում <RINArmenia> նախագծի շնորհանդեսի ժամանակ հայտարարել է Հայաստանում Ֆրանսիայի դեսպան Ջոնաթան Լաքոտը ։

Դիվանագետն ընդգծել է, որ դա հատկապես վերաբերում է այս ոլորտում կրթությանը: Այս առնչությամբ ֆրանսիացի դիվանագետը հիշեցրել է Հայաստանում ֆրանսիական համալսարանում տեղեկատվական տեխնոլոգիաների նոր ֆակուլտետի բացման և Երևանի ֆրանսիական դպրոցում կիրառական մաթեմատիկայի խորացված ուսուցմանը:  Ընդ որում, դեսպանը հիշեցրել է , որ <RINArmenia> - ն հիմնելու որոշման մասին հայտարարվել Է անցյալ տարվա աշնանը Երեւանում կայացած Ֆրանկոֆոնիայի գագաթնաժողովի շրջանակներում կայացած տնտեսական համաժողովում ՝ RINA-ի հիմնադիրներ Լուի Պուզենի եւ Ֆլլիպ Պուի, ինչպես նաև Հայկ Մնացականյանի կողմից:

Rina նախագծի հիմնադիր Ֆիլիպ Պուին նշել է, որ RINA (Recursive Inter Network Architecture) ցանցը համացանցի ապագան է: <Հայաստանը այն վայրն է, որտեղ կարելի է զարգացնել RINA - ն, քանի որ այստեղ հեշտությամբ կարելի է գտնել մասնագետներ այդ ոլորտում>, - նշել է Պուին ։

Մինչդեռ, ընկերության գլխավոր տնօրեն Հայկ Մնացականյանը նշել է, որ ընկերությունն արդեն 2020 թվականին նախատեսում է համագործակցություն հաստատել Հայաստանի տեղեկատվական տեխնոլոգիաների ոլորտի երեք ընկերությունների հետ: <Մենք արդեն ավարտում ենք բանակցությունները Ինժեներական քաղաքի ներկայացուցիչների հետ ։  Ավելին, մենք մտադիր ենք ընդլայնել մեր կրթական դասընթացները, և հաջորդ տարի դրանք, բացի Ֆրանսիական համալսարանից, անցկացվելու են Հայաստանի ևս երկու ուսումնական հաստատություններում՝ աշնանը և գարնանը։ Մշակման փուլում է գտնվում այս ոլորտում առցանց կրթական հարթակը, որը մենք նախատեսում ենք գործարկել եկող տարվա ամռանը>, - ասել է Մնացականյանը ։  Ընդ որում, նա հավելել է, որ 2020 թվականի փետրվարին իր գլխավորած ընկերությունը մտադիր է մասնակցել ICIN2020 միջազգային համաժողովին, ինչպես նաեւ դրա հարթակում նախատեսված Rina 7-րդ խորհրդաժողովին, իսկ արդեն 2020 թվականի վերջին Երեւանում տեղի կունենա <RINArmenia> համաժողովը:

Նշենք, որ RINA-ն ցանցի նոր ճարտարապետություն է, որն առաջարկվում է իբրեւ այլընտրանք ներկայիս TCP/IP մոդելին : TCP/IP մոդելը ստեղծվել է 70ական թվականներին, երբ ոչ ոք չէր պատկերացնում, թե 50 տարի անց այն ինչ կիրառություններ կունենա : RINA- ի նպատակն է ունենալ ավելի պարզ և ապահով ցանցային համակարգ քան ներկայումս: