Ուրբաթ, 27 Դեկտեմբերի 2019 13:04

Արմինֆո. 2020թ-ի հունվարի 1-ից` նախորդ տարվա արդյունքներով մինչև 24 մլն դրամ իրացման շրջա­նառություն ունեցող ռեզիդենտ առևտրային կազմակերպությունները և անհատ ձեռնարկատերերը կարող են գործունեություն իրականացնել միկրոձեռնարկատիրության համա­կար­գում: ՀՀ հարկային օրենսգրքով սահմանված դեպքերում նրանք ազատվելու են  միկրոձեռնարկատիրության մասով առաջացող պետական հարկերից։

 

Ինչպես ԱրմԻնֆո-ին հաղորդեցին ՊԵԿ տեղեկատվության և հասարակայնության հետ կապերի բաժնից,  միկրոձեռնարկատիրության հարկման համակարգի ներդրումը միտված է հարկային արտո­­նությունների միջոցով բացառապես փոքր և միջին ձեռնարկատիրության զարգաց­մանը խթանելուն։ ՙՄիաժամանակ, առկա են ռիսկեր, որ միկրոձեռնարկատիրության համակարգի ներդրումը կարող է օգտա­գործվել ոչ բարեխիղճ հարկ վճարողների կողմից, որոնք կփորձեն առաջարկել իրենց վարձու աշխա­­­տողներին գրանցվել որպես միկրոձեռնարկատիրության սուբյեկտ, և իրենց հետ աշխա­­­տանքային հարաբերությունները տեղափոխելով քաղաքացիաիրավական պայմա­նագրերի դաշտ՝ կխուսափեն հարկային պարտավորություններից: Հետևաբար, Պետական եկամուտների կոմիտեն հորդորում է գործատուներին և նման առաջարկ ստացած անձանց զերծ մնալ միկրոձեռնարկատիրության արտոնյալ համա­կարգն այլ նպատակներով օգտագործելու մտադրութությունից: Կոմիտեն միաժամանակ հայտարարում է, որ նշված ռիսկերը բացահայտելու համար ՊԵԿ-ում առկա են համապատասխան տեխնիկական և վերլուծական հնարավորություններ, հետևաբար նման ձևով հարկեր վճարելուց խուսափելու դեպքերին կտրվի իրա­վա­կան գնահատական՚, - ասվում է հաղորդագրությունում:

 

Ավելի վաղ ԱրմԻնֆոն հաղորդել էր, որ 2020 թվականի հունվարի 1-ից Հայաստանը կհրաժարվի հարկման երկու այլընտրանքային համակարգերից ՝ ինքնազբաղներից եւ ընտանեկան ձեռնարկատիրությունից, իսկ դրանց փոխարինեկու կգա միկրոձեռնարկատիրությունը՝ մինչեւ 24 մլն դրամ չհարկվող շեմով: Միկրոձեռնարկատիրության սուբյեկտներ չեն համարվի մասնագիտացված գործունեության տեսակներ իրականացնող տնտեսվարող սուբյեկտները, մասնավորապես, հաշվապահությունը, փաստաբանությունը, խորհրդատվությունները:  Միկրոբիզնեսը կազատվի բոլոր տեսակի հարկերից, բացի եկամտահարկից, որը կկազմի 5 հազար դրամ։