Չորեքշաբթի, 8 Հունվարի 2020 12:11
Ալեքսանդր Ավանեսով

2020 թվականին "Գազպրոմը" կշարունակի գազի մատակարարումը Հայաստան նախկին պայմաններով

2020 թվականին "Գազպրոմը" կշարունակի գազի մատակարարումը Հայաստան նախկին պայմաններով

Արմինֆո."Գազպրոմ Էքսպորտ" ՍՊԸ-ն և «Գազպրոմ Արմենիա» ՓԲԸ-ն  Հայաստանի  Հանրապետություն  ռուսական  գազի մատակարարման վերաբերյալ լրացուցիչ պայմանագիր են ստորագրել:

Ինչպես ԱրմԻնֆո-ին հաղորդեցին  «Գազպրոմ Արմենիայի» հասարակայնության և զանգվածային լրատվության միջոցների հետ կապերի ծառայությունից,  ըստ համաձայնագրի,  2020  թվականի հունվարի 1-ից  Վրաստանի և Հայաստանի սահմանին  գազի գինը  կմնա  2019  թվականի մակարդակում:

"Գազպրոմ էքսպորտ" ՍՊԸ-ի և "Գազպրոմ Արմենիա" ՓԲԸ-ի միջև տարեկան մինչև 2,5 մլրդ խորանարդ մետր ծավալով ռուսական գազի մատակարարման պայմանագիրը կգործի մինչև 2020 թվականի ավարտը:

 

Հիշեցնենք, որ նախորդ տարվա դեկտեմբերի 18-ին "Գազպրոմ Արմենիա" ՓԲԸ գլխավոր տնօրեն Հրանտ Թադևոսյանը հաղորդել էր, որ ռուսական գազի գնի շուրջ բանակցային գործընթացում դրական տեղաշարժ է նկատվում: Նրա խոսքով ՝ մի շարք հարցերի շուրջ համաձայնություն էր ձեռք բերվել։   Գլխավոր տնօրենն ընդգծել էր, որ բանակցությունների ընթացքում քննարկվում էին ինչպես Հայաստանում գազի սպառման կանխատեսելի ծավալները, այնպես էլ գազատրանսպորտային ցանցում ներդրումները:  Թադեւոսյանը նշել էր, որ գազի սակագնից մեծապես կախված կլինեն այն ծավալները, որոնք անհրաժեշտ կլինի անցկացնել համակարգում։  Նրա խոսքով, քանի դեռ սակագինը հայտնի չէ, 2020-2024 թթ. ներդրումները նշված են ավելի քիչ ծավալով, քան 2021-2024 թթ.: Ներդրումների ընդհանուր ծավալը հինգ տարվա համար փոքր-ինչ պակաս է 130 մլն դոլարից: "Բնականաբար, քանի դեռ մենք չգիտենք, թե ինչ սակագին կունենանք, մեզ համար դժվար է կանխատեսել, թե որքան գումար կունենանք, եւ ինչ աշխատանքներ մեզ կբավականացնեն", - պարզաբանել է Թադեւոսյանը:

 

Նշենք, որ 2019 թվականի դեկտեմբերի 31-ին լրացել Է "Գազպրոմի" հետ Հայաստան ռուսական գազի մատակարարման շուրջ պայմանագրի գործողության ժամկետը՝ հազար խորանարդ մետր գազի դիմաց 165 դոլար գնով: Դեկտեմբերի 25-ին ՀՀ Հանրային ծառայությունները կարգավորող հանձնաժողովն իր նիստում որոշել էր երկարաձգել Հայաստանի Հանրապետություն բնական գազի ներկրման համար թիվ 0102 լիցենզիայի գործողության ժամկետը մինչև 2021 թվականի հունվարի 1-ը:

 

Ավելի վաղ վարչապետ Նիկոլ Փաշինյանը մատնանշել էր գազի այնպիսի գնի կիրառման անհրաժեշտությունը, որը ցավագին չէր հարվածի երկրի տնտեսությանը՝ դրանով իսկ արգելակ դառնալով երկրում տնտեսական հեղափոխություն իրականացնելու համար։

 

Գազպրոմ Արմենիա "ՓԲԸ-ն "Գազպրոմ" ԲԲԸ-ի 100 տոկոսանոց դուստր ընկերությունն է, որը գազ է մատակարարում Հայաստանի ներքին շուկա: Ընկերությունը նաև իրականացնում է հանրապետության տարածքում ստորգետնյա պահեստավորված գազի փոխադրում, պահպանում, բաշխում և իրացում, գազատրանսպորտային համակարգի և ստորգետնյա պահեստավորման հզորությունների վերակառուցում և ընդլայնում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
08.04.2020
RUB6.56-0.06
USD496.58-2.79
EUR539.43-3.63
GBP612.23-2.69
CAD354.35-1.91
JPY45.62-0.17
CNY70.450.06
CHF511.31-1.92



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000