Հինգշաբթի, 9 Հունվարի 2020 18:01
Ալինա Հովհաննիսյան

Համաշխարհային բանկը 2020 թ. Հայաստանի ՀՆԱ-ի աճի՝ մինչև 5,1% դանդաղում է սպասում

Համաշխարհային բանկը 2020 թ. Հայաստանի ՀՆԱ-ի աճի՝ մինչև 5,1% դանդաղում է սպասում

Արմինֆո. Համաշխարհային բանկը 2020 թ. Հայաստանի ՀՆԱ-ի աճի՝ մինչև 5,1% դանդաղում է սպասում, 2021 և 2022թթ. մինչեւ 5,2% արագացմամբ:  Նորացված կանխատեսումը հրապարակվել է 2020թ. հունվար ամսվա <Համաշխարհային տնտեսության հեռանկարները> զեկույցում (Global Economic Prospects):

 

Մասնավորապես, ԵԱՏՄ երկրների համար ՀԲ-ն տվել է հետևյալ կանխատեսումները. Ռուսաստանում ՀՆԱ-ի աճը 2020 թվականին կկազմի 1,6 տոկոս (նախկինում սպասվում էր 1,7 տոկոս)՝ 2021 և 2022թթ. մինչև 1,8 տոկոս արագացմամբ, Բելառուսում  0,9 տոկոս՝ 2021 և 2022թթ. մինչև 0,5 տոկոս դանդաղմամբ, Ղազախստանում  3,7 տոկոս՝

2021թ. մինչև 3,9% տեմպերի արագացմամբ և 2022թ.  մինչև 3,7% դանդաղմամբ, Ղրղըզստանում 4% (նախկինում սպասվում էր 3,7%) ՝ 2021թ. այդ տեմպերի պահպանմամբ և 2022թ. մինչև 4,2% արագացմամբ։

 

Հայաստանի հարեւան երկրներում ՀՆԱ-ի աճը 2020 թվականին սպասվում Է 4,3 տոկոսի մակարդակում Վրաստանում՝ 2021 և 2022թթ. մինչեւ 4,5 տոկոս արագացմամբ, Ադրբեջանում 2,3 տոկոս՝ 2021 եւ 2022թթ. մինչեւ 2,1 տոկոս դանդաղմամբ, Թուրքիայում 3 տոկոս՝ 2021 և 2022թթ. մինչեւ 4 տոկոս արագացմամբ:

 

<Մասնավոր սպառումը, հզոր արտադրական գործունեությունը և օգտակար հանածոների արդյունահանման ծավալների վերականգնումը Հայաստանում նպաստել են Հարավային Կովկասում տնտեսական աճի արագացմանը՝ մոտավորապես մինչեւ 3,7 տոկոս 2019 թվականին>, - նշված է զեկույցում:

 

Կանխատեսումների համաձայն, Հարավային Կովկասում տնտեսական աճի տեմպերը 2020 թվականին կնվազեն մինչև 3,1 տոկոս: Միջնաժամկետ հեռանկարում տնտեսության հետագա աճի պայման կհանդիսանա մասնավոր հատվածի ամրապնդմանն ուղղված ներքին բարեփոխումների շարունակումը, ինչպես նաեւ մարդկային կապիտալում ներդրումները՝ կրթության որակի բարձրացման և պահանջվող հմտությունների ձեւավորման համար:

 

Եվրոպայի և Կենտրոնական Ասիայի երկրների շարքում ամենաբարձր տնտեսական աճը, ՀԲ-ի կանխատեսման համաձայն, 2019 թվականին սպասվում է Հայաստանում, որին հաջորդում են Տաջիկստանը ՝ 6,2 տոկոս, Ուզբեկստանը ՝ 5,5 տոկոս եւ Թուրքմենստանը ՝ ՀՆԱ - ի 5 տոկոս աճով: Իսկ 2020 թվականի ՀՆԱ - ի աճի առնչությամբ Համաշխարհային բանկը կանխատեսում է ամենաբարձր տեմպերն Ուզբեկստանում ՝ 5,7 տոկոս, Տաջիկստանում ՝ 5,5 տոկոս եւ Թուրքմենստանում ՝ 5 տոկոս:

 

Սպասվում է, որ Եվրոպայում եւ Կենտրոնական Ասիայում տնտեսական աճի տեմպերը 2020 թվականին կամրապնդվեն մինչեւ 2,6 տոկոս ՝ հիմնական հումքային ապրանքների գների կայունացման, եվրոյի գոտում աճի եւ Թուրքիայի (մինչեւ 3 տոկոս) եւ Ռուսաստանի (մինչեւ 1,6 տոկոս) տնտեսության աճի տեմպերի վերականգնման պայմանով: Կենտրոնական Եվրոպայի երկրներում տնտեսական աճի տեմպերը, ինչպես սպասվում է, կդանդաղեն մինչեւ 3,4 տոկոս ՝ բյուջետային աջակցության միջոցների էֆեկտի թուլացման և ժողովրդագրական խնդիրների պահպանման ֆոնին, մինչդեռ Կենտրոնական Ասիայի երկրների տնտեսությունը, կանխատեսումների համաձայն, կայուն կաճի բարձր տեմպերով՝ կառուցվածքային վերափոխումների իրականացման շնորհիվ:

2020 թվականին համաշխարհային տնտեսության աճը, ՀԲ-ի զեկույցի համաձայն, մի փոքր կարագանա եւ կհասնի 2,5 տոկոսի ՝ նախորդ տարվա էական անկումից հետո ներդրումների եւ առեւտրի աստիճանական վերականգնման ֆոնին, սակայն այդ ցուցանիշների նվազման ռիսկերը պահպանվում են:

 

Նշենք, որ Համաշխարհային բանկի գնահատման համաձայն՝ Հայաստանում տնտեսության աճը 2019 թվականի արդյունքներով կկազմի 6,9 տոկոս:

 

Հիշեցնենք, որ ԱՄՀ-ն 2019 թվականին Հայաստանի ՀՆԱ-ի աճ է կանխատեսում 4,6 տոկոսով ՝ 2020թ. - ին մինչև 4,5 տոկոս դանդաղմամբ։  ՀՀ Կենտրոնական բանկը կանխատեսում է այն՝ 6,7-7,2% միջակայքում:  2020 թվականի համար ԿԲ-ն և կառավարությունը հանդես են եկել՝ ԱՄՀ-ին համանման աճի կանխատեսմամբ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.02.2020
RUB7.28-0.03
USD478.390.06
EUR520.923.46
GBP619.28-2.12
CAD359.61-0.20
JPY43.370.04
CNY68.220.11
CHF491.063.37



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000