Հայաստանի միջուկային անվտանգության կարգավորման պետական կոմիտեն կրկին միջազգային համաձայնագրեր կնքելու իրավունք կստանա

Արմինֆո. Հայաստանի միջուկային անվտանգության կարգավորման պետական կոմիտեն կրկին իրավունք կստանա մշակել ենթաօրենսդրական ակտեր եւ կնքել միջազգային համաձայնագրեր:

Տնտեսական հարցերի խորհրդարանական հանձնաժողովը հունվարի 15-ի նիստում հավանություն է տվել <Ատոմային էներգիայի անվտանգ օգտագործման մասին> օրենքում փոփոխությունների նախագծին, որոնք առաջին ընթերցմամբ կքննարկվեն ՀՀ Ազգային ժողովի լիագումար նիստում:

Կոմիտեի նախագահ Աշոտ Մարտիրոսյանի խոսքով ՝ այդ իրավունքը գերատեսչությունը կորցրել է 2018 թվականին գործող օրենսդրության մեջ ընդունված փոփոխությունների արդյունքում։ Փաստաթղթով նաեւ ուժը կորցրած են ճանաչվում մի շարք դրույթներ, որոնք վերաբերում են միջուկային անվտանգության ապահովման ոլորտում մի շարք ուղղություններով արտոնագրային գործունեությանը: Եվս երկու փոփոխություն վերաբերում է Ատոմային Էներգիայի միջազգային գործակալության (ՄԱԳԱՏԷ) ստանդարտների կիրառման անհրաժեշտությանը ։

Միջուկային անվտանգության կարգավորման պետական կոմիտեն իրականացնում է ատոմային էներգիայի օգտագործման ոլորտի պետական կարգավորում ՝ Հայաստանի Հանրապետության բնակչության եւ անձնակազմի անվտանգության ապահովման, շրջակա միջավայրի և անվտանգության շահերի պաշտպանության նպատակով:

Ավելի վաղ ԱրմԻնֆո-ի թղթակցի հետ զրույցում Աշոտ Մարտիրոսյանը նշել էր, որ

Հայկական ԱԷԿ-ի աշխատած միջուկային վառելիքի /ԱՄՎ/ չոր պահեստարանի շահագործման լիցենզիան կերկարաձգվի ևս 30 տարով։ Նա հիշեցրել էր, որ Կոմիտեն 2000թ. Հայկական ատոմային էլեկտրակայանին տվել է համապատասխան լիցենզիա 20 տարի ժամկետով, եւ արդեն ընթացիկ տարում լրանում է դրա գործողության ժամկետը: Որպես կանոն, շարունակել է Աշոտ Մարտիրոսյանը, աշխատած միջուկային վառելիքը կարող է պահվել նման պահեստներում 300 տարի ։  Այնուամենայնիվ, լիցենզիան տրվում է 50-70 տարի ժամկետով, սակայն, հաշվի առնելով անվտանգության ապահովման նպատակով պարբերական հետազոտությունների անցկացման կարեւորությունը՝ Կոմիտեն Հայկական ԱԷԿ-ին տվել է 20 տարի ժամկետով լիցենզիա:  Ներկայումս պահեստարանը լցված է ընդամենը 20% - ով: Ճիշտ է, ինչպես նշել է Կոմիտեի նախագահը, տվյալ դեպքում խոսքը ցածր ակտիվության աշխատած միջուկային վառելիքով պահեստարանի մասին, մինչդեռ արդեն այսօր պետք է մտածել միջին ակտիվության ԱՄՎ պահեստարանների մասին: