Արմինֆո. Հայաստանի բանկային համակարգում Ամերիաբանկը պահպանում է առաջատարի դիրքը հիմնական ֆինանսական ցուցանիշներով, մասնավորապես՝ ակտիվների, հաճախորդների հանդեպ պարտավորությունների, վարկային ներդրումների, կապիտալի և զուտ շահույթի գծով:
Այս մասին ասվում է Ամերիաբանկի հաղորդագրության մեջ:
Ըստ աղբյուրի, բանկի ակտիվները 2019 թվականին աճել են 24% - ով՝ մինչև 968.1 մլրդ դրամ, որի կառուցվածքում 585.7 մլրդ դրամը վարկային ներդրումներ են՝ 7% տարեկան աճով:
Բանկի ընդհանուր պարտավորությունները հաշվետու տարվա ընթացքում աճել են 26% - ով՝ կազմելով 866.9 մլրդ դրամ, որից 647.8 մլրդ դրամը հաճախորդների հանդեպ պարտավորություններն են, որոնք տարեկան կտրվածքով աճել են 44% - ով:
2019 թվականը Ամերիաբանկն ավարտել է 12.1 մլրդ դրամ զուտ շահույթով՝ հաշվետու ժամանակահատվածում այն ավելացնելով 15% - ով:
Ամերիաբանկը նաեւ Հայաստանի ֆինանսական շուկայի մասնակիցների շրջանում պահպանում է առաջատարությունը որպես խոշոր հարկ վճարող ՝ 2019 թվականի հարկերի գծով պետական գանձարան վճարելով 8.56 մլրդ դրամ:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |