Արմինֆո.Ռումինիայի Tarom պետական ավիաընկերությունը ժամանակավորապես դադարեցրել է դեպի Հայաստան թռիչքները։ Այս մասին փետրվարի 13-ին ԱԺ ամբիոնից հայտարարել է ՀՀ քաղավիացիայի կոմիտեի նախագահ Տաթեւիկ Ռեւազյանը։
Նրա խոսքով՝ ռումինական ավիափոխադրողի հայաստանյան շուկայից հեռանալը կապված է ավիաընկերության ֆինանսական խնդիրների հետ։ Վերջին մեկ տարվա ընթացքում այնտեղ փոխվել է վեց ղեկավար։ Կոմիտեի ղեկավարը նշել է, որ գերատեսչությունը մշտական կապի մեջ է Հայաստանում Ռումինիայի դեսպանատան հետ, եւ հույս կա, որ երկու երկրների միջեւ ավիաչվերթները կվերսկսվեն:
Ավելի վաղ ԱրմԻնֆոն հաղորդել էր, որ ռումինական Tarom ավիաընկերությունը 2019 թվականի ապրիլի 3-ին իրականացրել է Բուխարեստ-Երևան առաջին չվերթը՝
ավիաընկերության հետ Բուխարեստ-Երևան կանոնավոր չվերթների իրականացման շուրջ պայմանավորվածության համաձայն: Թռիչքներն իրականացվում էին են շաբաթական երկու անգամ։
Ազգային ավիափոխադրող Tarom ավիաընկերությունը Ռումինիայի խոշորագույն և ամենահին ավիաընկերությունն է և SkyTeam միջազգային դաշինքի անդամ է:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |