Արմինֆո. Դիլիջանում անշարժ գույքն առավել մեծ պահանջարկ ունի Հայաստանիլ առողջարանային քաղաքների շրջանում, ինչպես վարձակալության, այնպես էլ առքուվաճառքի գործարքների առումով: Այդ են վկայում ՀՀ անշարժ գույքի կադաստրի պետական կոմիտեի 2019 թվականի ամփոփիչ տվյալները։
Հաշվետու ժամանակահատվածում Դիլիջանում կնքվել է անշարժ գույքի առքուվաճառքի 377 գործարք, ինչը մեկ տարվա վաղեմության ցուցանիշից բարձր է 47.8% - ով, ինչպես նաև՝ 122 վարձակալության գործարք ' 12.2% տարեկան անկումով: Ընդ որում, 2019 թվականին Դիլիջանում անշարժ գույքի գներն աճել են 9 տոկոսով՝ հասնելով 118.8 հազ. դրամ/ 1քմ:
Դիլիջանին հետևում է Ծաղկաձորը, որտեղ առքուվաճառքի գործարքների թիվը տարեկան կտրվածքով ավելացել է 55,1 տոկոսով, իսկ անշարժ գույքի վարձակալության գործարքներինը' 9,4 տոկոսով, կազմելով, համապատասխանաբար, 107 եւ 35: Սակայն Ծաղկաձորում անշարժ գույքի գները նվազել են՝ կազմելով 281 հազար դրամ/1 քմ ՝ 1,4% տարեկան անկումով։
Առողջարանային քաղաքների ցանկը եզրափակում Է Ջերմուկը, որտեղ ողջ 2019 թվականի ընթացքում իրականացվել է անշարժ գույքի առքուվաճառքի 71 գործարք (տարեկան 34,9% անկում) և 17 վարձակալական գործարք (տարեկան 29,2% անկում)։ Ընդ որում, հաշվետու ժամանակահատվածում Ջերմուկում անշարժ գույքի գները փոքր-ինչ նվազել են' կազմելով 105.2 հազ.դրամ/1 քմ, ինչը 0,9% - ով պակաս է տարեկան վաղեմության ցուցանիշից:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |