Արմինֆո. Նավթի բարելի՝ 25 դոլար շեմի հաղթահարումը գլոբալ ռեցեսիայի սկիզբ կդնի: Ընդ որում, նման սցենարի որոշակի նախադրյալներ արդեն տեսանելի են։ ԱրմԻնֆո-ին այդպիսի կարծիք է հայտնել Էներգետիկ անվտանգության ինստիտուտի տնօրեն, <Մեկ Հայաստան> կուսակցության քաղխորհրդի անդամ Վահե Դավթյանը։
<Դեռեւս անցյալ տարվա կեսերին հրապարակված համապատասխան վերլուծական կենտրոնների զեկույցներում 2020 թ. տնտեսական ճգնաժամի հիմնավորումներ են տրվել։ Սակայն, խոսել այս փուլում համաշխարհային տնտեսական ռեցեսիայի մասին դեռ վաղաժամ է: Ըստ էության, այսօր նկատվող իրավիճակը բավականին կանխատեսելի է ։ Դեռ 2019–ին պարզ էր, որ «OPEC+» կարտելային համաձայնագիրն այլևս չի կարող երկար կյանք ունենալ, հետևաբար՝ միանգամայն սպասելի էր նաեւ ներկայիս նավթային ճգնաժամը>, - նշել է փորձագետը ։
Մարտի 8-ից սկսած՝ միջազգային շուկայում նավթի գների անկումը գերազանցել է 30 տոկոսը ։ Այն բանից հետո, երբ ՕՊԵԿ - ը եւ Ռուսաստանը չկարողացան համաձայնության գալ նավթի արդյունահանման ծավալների նվազման և գնանկման կանխման շուրջ, նավթի խոշորագույն արտահանող Սաուդյան Արաբիան հայտարարեց նավթի արդյունահանման ծավալների կտրուկ ավելացման մասին, ինչը հանգեցրեց գների անկման:
Ընդ, որում, նրա կանխատեսմամբ, հոգեբանական մինիմալ շեմի` 25 դոլարի դեպքում, Ռուսաստանի Դաշնությունը կարող է շարունակել կայունության ապահովումը իր նավթագազային սեկտորում, որովհետև ունի հստակ առավելություն, ի տարբերություն նավթի շուկայի մնացած խաղացողների. դա Ռուսաստանի նավթի արդյունահանման բավականին ցածր ինքնարժեքն է: Այդ ցածր ինքնարժեքը ներկայումս Ռուսաստանին թույլ է տալիս բյուջետային իր պլանավորումը մոտակա տարիներին իրականացնել անգամ նման պայմաններում:
Դավթյանը դիտարկվող գործընթացները չի կապում բացառապես տնտեսության հետ: Նրա գնահատմամբ ՝ այստեղ կան նաև աշխարհաքաղաքական, արհեստականորեն ստեղծվող միտումներ, որոնք, մասնավորապես, տեղավորվում են ԱՄՆ-ի և Ռուսաստանի միջև դիմակայության մեջ։ Փորձագետի կարծիքով ՝ ընթացիկ գործընթացները, ընդհանուր առմամբ, համապատասխանում են ԱՄՆ արտաքին տնտեսական, աշխարհաքաղաքական շահերին ։
<Այս առումով պատահական չէ, որ շուկան սկսեց իր գերզգայությունը ցուցաբերել հենց այն օրերին, երբ Ռուսաստանի Պետական Դումա բերվեց Ռուսաստանի սահմանադրական փոփոխությունների մասին օրինագիծը, որը պետք է էլ ավելի ուժեղացնի Պուտինի իշխանությունը 2024 թ. հետո: Սրան նաև գումարում ենք Ռուսաստանի Դաշնության դիրքերի ամրապնդումը Մերձավոր Արևելքում և Լիբիայում:
Այսպիսով՝ այն, ինչ տեղի է ունենում ես գնահատում եմ ԱՄՆ-ի եւ նրա դաշնակիցների ՝ Ռուսաստանի դեմ նավթային գործոնի գործարկման շրջանակներում>,- ամփոփել է Դավթյանը:
