Հինգշաբթի, 19 Մարտի 2020 16:34
Կարինա Մելիքյան

Fitch-ը ԱԿԲԱ-ԿՐԵԴԻՏ ԱԳՐԻԿՈԼ բանկի եւ Արդշինբանկի վարկանիշները հաստատել է B+ մակարդակում Կայուն կանխատեսմամբ

Fitch-ը ԱԿԲԱ-ԿՐԵԴԻՏ ԱԳՐԻԿՈԼ բանկի եւ Արդշինբանկի վարկանիշները հաստատել է B+ մակարդակում  Կայուն կանխատեսմամբ

Արմինֆո. Fitch Ratings միջազգային վարկանշային գործակալությունը մարտի 18-ին հաստատել է ԱԿԲԱ-ԿՐԵԴԻՏ ԱԳՐԻԿՈԼ բանկի եւ Արդշինբանկի արտարժույթով թողարկողի դեֆոլտի երկարաժամկետ վարկանիշները "B+" մակարդակում' կայուն կանխատեսմամբ: Այս մասին հաղորդում է Fitch-ը, հաշվետվությունում նշելով, որ վարկանիշի այդ մակարդակի հաստատումը պայմանավորված է երկու բանկերի մոտ ներքին ֆինանսական կենսունակության կայուն առանցքի առկայությամբ։

 

Fitch-ը հիմնական վարկանիշային գործոններում նշում է, որ բանկերի վարկանիշները որոշվում են նրանց ներքին ուժով եւ "b+" (VRs) կենսունակության վարկանիշով: Ընդ որում, ինչպես կարծում է Fitch-ը, VRs-ը զսպվում է պոտենցիալ ցիկլային ավելի լայն գործառնական միջավայրի ռիսկերով, ինչպես նաեւ բարձր կենտրոնացված, խիստ դոլարացված եւ զարգացող տնտեսության ազդեցության ենթարկվածությամբ: Միեւնույն ժամանակ, Fitch-ը նկատում է, որ VRs - ն ներկայումս արձանագրում է բանկերի կայուն ֆինանսական պրոֆիլները, որոնք ամրապնդվել են վերջին մի քանի տարիներին արագ տնտեսական աճով, եւ Արդշինբանկի ու ԱԿԲԱ-ԿՐԵԴԻՏ ԱԳՐԻԿՈԼ բանկի խելամիտ շուկայական բաժնեմասերը ՝ ոլորտի ընդհանուր ակտիվների համապատասխանաբար 13 եւ 8 տոկոսի չափով, ընդ որում, ԱԿԲԱ-ԿՐԵԴԻՏ ԱԳՐԻԿՈԼ բանկն ունի նաեւ ագրովարկավորման շուկայում գերիշխող 50%-ը:

 

Բանկերի աջակցության վարկանիշները "զրոյական" ("No Floor") եւ "5" մակարդակում արտացոլում են Fitch-ի կարծիքն այն մասին, որ Հայաստանի իշխանությունները սահմանափակ ֆինանսական ճկունություն ունեն անհրաժեշտության դեպքում բանկերին աջակցելու համար ՝ հաշվի առնելով երկրի միջազգային պահուստների նկատմամբ արտարժույթով բանկային հատվածի մեծ պարտավորությունները:

 

"Արդշինբանկ" ՓԲԸ-ն հիմնադրվել է 2003 թվականին: 2016թ. դեկտեմբերին Արդշինբանկի հետ միավորվել է Առէկսիմբանկ-Գազպրոմբանկի խումբը: Մասնաճյուղերի ընդհանուր թվով (64) եւ մարզային ստորաբաժանումների թվով (43) Արդշինբանկը պահպանում է 2-րդ տեղը: 2020թ.հունվարի 1-ի դրությամբ Արդշինբանկի մեծամասնական բաժնետերերն են "Արինս Գրուպ" ՍՊԸ - ն (դա "Բիզնես ներդրումների կենտրոն" վերանվանված ՍՊԸ - ն է)' 67,97%, եւ "Ռեգիոն արդյունաբերաֆինանսական կորպորացիա" ՓԲԸ-ն (ՌԴ)' 29,52%:

 

"ԱԿԲԱ-ԿՐԵԴԻՏ ԱԳՐԻԿՈԼ բանկ" ՓԲԸ-ն Հայաստանում գործում է 1995 թվականից: Բանկի մասնաճյուղային ցանցը ներառում է 59 ստորաբաժանում, որոնցից 18 - ը գտնվում են Երևանում, իսկ 41-ը' Հայաստանի մարզերում: 2020թ. հունվարի 1-ի դրությամբ Բանկի մեծամասնական բաժնետերերն են SJSC "Sacam International" բաժնետիրական ընկերությունը (Credit Agricole S. A խմբի անդամ)' 5%, եւ "ACBA Federation" CJSC-ը' 95%:

 

Արմինֆո ԼԸ-ի պատրաստած Հայաստանի Բանկերի Ֆինանսական Վարկանիշի 31.12.2019թ. տվյալներով, Արդշինբանկը եւ Ակբա-Կրեդիտ Ագրիկոլ Բանկը առաջատար հնգյակում են ըստ վարկային ներդրումների ծավալի: Ակբա-Կրեդիտ Ագրիկոլ Բանկը  ագրովարկավորման ավանդական առաջատար է' բանկի վարկային պորտֆելի մոտ 33% - ը, 32% - ը կենտրոնացած է սպառողական վարկերի, 27% - ը' ՓՄՁ վարկերի վրա: Բանկային շուկայի ընդհանուր ագրովարկերում Ակբա-Կրեդիտ Ագրիկոլ Բանկի մասնաբաժինը գերակշռում է' մոտ 53%: Իսկ Արդշինբանկին պատկանում է պորտֆելի 23% - ից ավելին՝ վարկեր արդյունաբերական հատվածին, մոտ 27% - ը սպառողական վարկեր են, ավելի քան 15% - ը' վարկեր ՓՄՁ-ներին, իսկ ավելի քան 12% - ը' հասարակական սննդին ու ծառայություններին: Նշված ոլորտներում վարկային ներդրումների ծավալով Արդշինբանկը առաջատար եռյակում է: 2019 թվականը Արդշինբանկն ավարտել է 9.9 մլրդ դրամ զուտ շահույթով (20.6 մլն դոլար, 2-րդ տեղ) ՝ 53% տարեկան աճով, իսկ Ակբա-Կրեդիտ Ագրիկոլ Բանկը՝ 7.4 մլրդ դրամ շահույթով (15.4 մլն դոլար, 5-րդ տեղ)՝ 18.2% տարեկան աճով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
08.04.2020
RUB6.56-0.06
USD496.58-2.79
EUR539.43-3.63
GBP612.23-2.69
CAD354.35-1.91
JPY45.62-0.17
CNY70.450.06
CHF511.31-1.92



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000