Արմինֆո. Որոշում է ընդունվել ժամանակավորապես սահմանափակել մի շարք բժշկական արտադրատեսակների արտահանումը Հայաստանի Հանրապետությունից:
Հայկական միասնական տեղեկատվական կենտրոնի հաղորդման համաձայն, արտադրատեսակների ցանկը ներառում է շնչառական դիմակներ, պաշտպանիչ ակնոցներ, լիադեմ դիմակների հակաաէրոզոլային զտիչներ, քիմիական պաշտպանության մեկանգամյա օգտագործման արտահագուստ-կոմբինեզոններ, հակաժանտախտային կոստյումներ, առանձնահատուկ ամրության բախիլներ, դիմակներ, վիրակապներ, բամբակ, թանզիֆ, ախտահանիչ նյութեր, վիրահատական ձեռնոցներ, բժշկական ախտորոշիչ ձեռնոցներ, բժշկական դիմակներ, բժշկական վիրահատական խալաթներ, մեկանգամյա օգտագործման բժշկական հավաքածուներ, շնչառական սարքավորում՝ օզոնային, թթվածնային և ցողացրային (աէրոզոլային) կիրառման, Էթիլային սպիրտ, ախտորոշիչ թեստեր և այլն:
Նշված արտադրատեսակների արտահանումը կարող է թույլատրվել Պետական եկամուտների կոմիտեի կողմից՝ հիմք ընդունելով Առողջապահության նախարարության գրավոր համաձայնությունը։
Որոշումը տարածվում է ինչպես այն արտահանումների վրա, որոնք մինչև սույն որոշման ուժի մեջ մտնելը գտնվում են մաքսային ձևակերպման փուլում, այնպես էլ փաստացի արտահանման ենթակա ապրանքների վրա:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |