Ուրբաթ, 20 Մարտի 2020 12:39
Դավիթ Ստեփանյան

Փորձագետ. Կոնյակի արտադրության՝ անցյալից մնացած մենաշնորհային, օլիգարխիկ նորմատիվը չեղարկման կարիք ունի

Փորձագետ. Կոնյակի արտադրության՝ անցյալից մնացած մենաշնորհային, օլիգարխիկ նորմատիվը չեղարկման կարիք ունի

Արմինֆո.Կոնյակի արտադրության՝ Հայաստանում դեռևս գոյություն ունեցող մենաշնորհային, օլիգարխիկ նորմատիվը չեղարկման կարիք ունի։ ԱրմԻնֆո-ին այդպիսի կարծիք է հայտնել  Գինու ազգային կենտրոնի նախագահ Ավագ Հարությունյանը։

<Հարեւան Վրաստանում, շատ այլ երկրներում ցանկացած մարդ կարող է գինի և կոնյակ արտադրել։ 1998 թվականին մեր երկրում ընդունված այդ նորմատիվը ընդունվել է՝ բացառապես օլիգարխիայի շահերից ելնելով և փաստացի փոքր ձեռնարկություններին զրկել է կոնյակ արտադրելու հնարավորությունից ։ Այսօր անհրաժեշտ է վերացնել այդ անարդարությունը, և սպիրտ հասունացնելու հնարավորություն տալ բոլոր նրանց, ովքեր պատրաստ են դա անել ։ Այս առումով էկոնոմիկայի նախարարը շատ ճիշտ է ներկայացրել իրավիճակը՝ արտադրողների հետ նախնական քննարկումների հիման վրա>, - նշեց նա ։

 

Մարտի 19-ին ՀՀ էկոնոմիկայի նախարար Տիգրան Խաչատրյանը կառավարությանը ներկայացրել է <Գործունության իրականացման ծանուցման մասին> օրենքում լրացումներ կատարելու նախագիծը և հարակից նախագծերի փաթեթը, որոնք նախատեսում են կոնյակի արտադրություն հիմնելու որոշում կայացրած արտադրողների համար գործունեության առաջին երեք տարիներին բյուջե վճարել 150 հազար դրամ՝  գոյություն ունեցող 30 մլն դրամի փոխարեն: Խոսքը բացառապես սպիրտների հնեցման նվազագույն շրջանի մասին է՝ մինչև այն կոնյակի վերածելը։

 

Պետեկամուտների կոմիտեի նախագահը դեմ է արտահայտվել նախագծին ՝ նշելով, որ տարեկան 10 մլն դրամի հարկը ապագա կոնյակի ինքնարժեքի տարր է, և բացառում է էժան կոնյակի արտադրության և իրացման հնարավորությունը։ Քննարկումների արդյունքում նախագիծը հետ է ուղարկվել ՊԵԿ ՝ լրացուցիչ քննարկման և հնարավոր լրամշակման նպատակով։

 

Հարությունյանը նշում է, որ էկոնոմիկայի նախարարի ներկայացրած նախագիծը ավելի քան 10 տարվա քննարկումների արդյունք է ։ Նրա խոսքով ՝ նախկին իշխանությունները այդ նախագիծը չեն ընդունել՝ ի շահ խոշոր արտադրողների, որոնք համատեղությամբ խորհրդարանի պատգամավորներ էին։ Նրա խոսքով ՝ Ռոբերտ Քոչարյանի օրոք ընդհանրապես որոշում էր կայացվել տարեկան 15 մլն դրամ մաքսատուրք սահմանել ՝ առանց բացառության ամբողջ ալկոհոլային արտադրանքի արտադրության համար։

 

<Մենք սկսել ենք պայքարել, և մեզ հաջողվել է գինու արտադրության պետական տուրքը նվազեցնել մինչև 25 հազար դրամ ։ Սակայն, կոնյակի արտադրության տուրքերի նվազեցման համար մեր տասնամյա պայքարը հաջողություն չի ունեցել.կոնյակը փաստացի մենաշնորհացված է մնացել։ Իշխանափոխությունից հետո մենք մի քանի անգամ հանդիպել ենք վարչապետ Փաշինյանի հետ և բացատրել, որ պետական տուրքի իջեցումը որևէ կապ չունի կոնյակի կեղծման հետ ։ Իրականում կեղծում են հենց խոշոր արտադրողները, մանրերը պարզապես չեն համարձակվում նման բան անել ՝ հատկապես <վերևում> աջակցություն չունենալով>, - նշել է նա ։

 

Հարությունյանի կարծիքով ՝ երկրում իշխանափոխությունից հետո այդ դրույթը պետք էր պարզապես չեղարկել, մինչդեռ այսօր էլ ոլորտի խնդիրներն ըմբռնելուց հեռու մարդիկ խանգարում են դրա զարգացմանը ։ Տվյալ նորմատիվի գործողության արդյունքում գինու փոքր արտադրողները կարող են արտադրել միայն սպիրտ, եւ զրկված են այն հնեցնելու հնարավորությունից ՝ կոնյակի վերածվելու նպատակով:

 

<Նման պայմաններում նրանց մնում է մի բան ՝ այդ սպիրտը վաճառել խոշոր մոնոպոլիստ արտադրողներին ։ Բարձր որակի հումքից փոքր արտադրողները գինի են պատրաստում, ավելի ցածր որակի հումքը գնում է սպիրտի արտադրությանը, որը հետո վաճառվում է խոշոր ընկերություններին ։ Այսպիսով՝ անհրաժեշտ է պարզապես օրինականացնել այս ամբողջ գործընթացը, ինչը կհանգեցնի արտադրանքի որակի բարձրացմանը եւ կստիպի բոլորին վճարել հարկերը>, - ամփոփել է Հարությունյանը ։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
08.04.2020
RUB6.56-0.06
USD496.58-2.79
EUR539.43-3.63
GBP612.23-2.69
CAD354.35-1.91
JPY45.62-0.17
CNY70.450.06
CHF511.31-1.92



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000