Երկուշաբթի, 23 Մարտի 2020 13:57

Արմինֆո. Հայաստանի Ազգային ժողովը մարտի 23-ի արտահերթ նիստում երկրորդ եւ վերջնական ընթերցմամբ փոփոխություններ է կատարել Վարչական իրավախախտումների վերաբերյալ օրենսգրքում եւ Քրեական օրենսգրքում:

 

Ինչպես իր ելույթում նշել է արդարադատության նախարար Ռուստամ Բադասյանը, փոփոխությունները կոչված են կարգավորելու արտակարգ դրության ռեժիմին առնչվող հարցերը՝ կորոնավիրուսի տարածման հետ կապված: Օրենսդրական փոփոխությունների համաձայն ՝ ինքնամեկուսացման ռեժիմի պահանջները խախտելու համար քաղաքացուն սպառնում է տուգանք ՝ նվազագույն աշխատավարձի 100-ից 250-ապատիկի չափով։ Բացի այդ, արտակարգ դրության գործողության ընթացքում սահմանված պահանջների խախտումների, սահմանափակումների շրջանակներից դուրս հրապարակումների համար ԶԼՄ-ները կենթարկվեն տուգանքի՝ նվազագույն աշխատավարձի 100-300-ապատիկի չափով: Այն դեպքում, եթե հրապարակումներն օրվա ընթացքում չհանվեն, ԶԼՄ-ների նկատմամբ կրկին կկիրառվի տուգանք՝ այս անգամ նվազագույն աշխատավարձի 500-1000-ապատիկի չափով։

 

Եթե քաղաքացին անզգուշությամբ վնաս է հասցրել մեկ այլ մարդու առողջությանը, ապա նրան սպառնում է տուգանք ՝ նվազագույն աշխատավարձի 300-500-ապատիկի չափով, կամ կալանք՝ 1 ամիս ժամկետով՝ զրկելով որոշակի պաշտոններ զբաղեցնելու իրավունքից:

 

Այն դեպքում, երբ տուժողի առողջությանը պատճառվել է լուրջ վնաս, տուգանքի չափը կկազմի նվազագույն աշխատավարձի 500-700-ապատիկի չափով, կամ 2-3 ամիս ժամկետով կալանք կամ 2 տարի ժամկետով ազատազրկում:

 

Այն դեպքում, երբ վարակված քաղաքացին չարամիտ կերպով առողջ մարդուն վարակել է վերջինիս կյանքի համար վտանգավոր վարակով, նրա նկատմամբ կիրառվելու է կամ նվազագույն աշխատավարձի 400-800-ապատիկի չափով տուգանք, կամ մինչեւ 1 ամիս ժամկետով կալանք, կամ մինչեւ 1 տարի ժամկետով ազատազրկում: Իսկ եթե այդ հանցագործությունը կատարվի երկու կամ ավելի անձի կամ անչափահասի նկատմամբ, ապա տուգանքը կկազմի նվազագույն աշխատավարձի 800-1000-ապատիկի չափով, կամ կկիրառվի 1-3 ամիս ժամկետով կալանք կամ 1-3 տարի ժամկետով ազատազրկում:

 

Ինքնամեկուսացման ռեժիմի խախտումը, որն անզգուշությամբ կհանգեցնի մարդու մահվան, կհանգեցնի մեղավորի 2-4 տարի ժամկետով կալանավորման:

 

Օրինագիծն ընդունվել է 118 ՙկողմ՚ ձայնով։