Արմինֆո.Հայաստանում գործող հիմնադրամներն իրենց
տարեկան հաշվետվությունները Պետեկամուտների կոմիտե (ՊԵԿ) պետք է ներկայացնեն էլեկտրոնային եղանակով: Երկրի խորհրդարանը մարտի 24-ի նիստում երկրորդ եւ վերջնական ընթերցմամբ համապատասխան փոփոխություններ եւ լրացումներ է կատարել "Հիմնադրամների մասին"օրենքում:
ՊԵԿ նախագահ Դավիթ Անանյանի խոսքով՝ գործող կարգավորումների համաձայն, հիմնադրամները պարտավորվում են իրենց հաշվետվությունները ներկայացնել պաշտոնական տեղեկատվության azdarar.am կայքում, որից հետո այդ մասին գրավոր տեղեկացնում են ՊԵԿ-ին։ Փոփոխությունների ընդունումից հետո վերանալու է իրազեկման անհրաժեշտությունը։ Հիմնադրամներն իրենց տեղեկատվությունը կզետեղեն ՊԵԿ կայքում՝ taxservice.am: Այդ նպատակով ավարտվում է էլեկտրոնային հարթակի մշակման աշխատանքը, որը, ինչպես ակնկալվում է, կգործի մայիսի 30-ից: Եթե ՊԵԿ-ը մինչ այդ ժամկետը չհասցնի ավարտել աշխատանքը, ապա հիմնադրամները կշարունակեն իրենց հաշվետվությունները զետեղել azdarar.am կայքում, բայց՝ առանց ծանուցման:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |