Արմինֆո.Կոնվերս Բանկը գործարկել է նոր Մոբայլ բենքինգ հավելված: Հավելվածը պարզ է, ֆունկցիոնալ հագեցած և ճկուն:
«Կոնվերս Բանկը Հայաստանում առաջինն էր, ով դեռևս 2014-ին գործարկեց Մոբայլ բենքինգ հավելված ՝ հաճախորդներին հնարավորություն տալով բանկային գործառնությունները մասամբ տեղափոխել թվային հարթակներ: Նոր Մոբայլ բենքինգ հավելվածի գործարկումը Բանկի ծառայությունների թվային հարթակ տեղափոխման քաղաքականության շրջանակում հերթական քայլն է: Հավելվածի զարգացումը շարունակական է լինելու և այդ գործընթացում մենք ակնկալում ենք նաև մեր հաճախորդների ակտիվ մասնակցությունն ու աջակցությունը։ Մենք բաց ենք լսելու, քննարկելու հավելվածի զարգացման, նոր գործառույթների ավելացման, պարզեցման շուրջ նրանց ցանկություններն ու ակնկալիքները և կյանքի կոչելու դրանք»,- ասել է Կոնվերս Բանկի Մոբայլ բենքինգի կենտրոնի ղեկավար Մարինե Բլեյանը:
Բանկի Մոբայլ հավելվածով հնարավոր է կատարել ոչ միայն «դասական » գործառույթներ՝ հաշվի համալրում, վարկի մարում, փոխանցումներ, վճարումներ, արտարժույթի փոխանակում և այլն, այլև օգտվել որոշ՝ Հայաստանում նախադեպը չունեցող հնարավորություններից:
«Մեր հավելվածը միակն է Հայաստանում, որի միջոցով հնարավոր է, Card to Card միջազգային փոխանցումներ արտասահմանյան բանկերի վճարային քարտերին, Հաշիվների բացում, սպասարկում, Զվարթնոց օդանավակայանի ավտոկայանատեղիի վճարում և այլն: Հավելվածում գրանցողներին՝ գրանցման պահին ավտոմատ կարգով, տրամադրվում է նաև Վիզա վիրտուալ քարտ և հաշիվ, որը պարզ գործիքներ է առցանց հարթակներում գնումների համար »,- ասել է նա:
Նշվել է նաև, որ Մոբայլ Բենքինգ հավելվածի հնարավորությունների մասին առավել մանրամասն Բանկի գործող և պոտենցիալ հաճախորդները կտեղեկացվեն հաջորդիվ՝ այդ կապակցությամբ հրապարակումներից: -
Բանկը վերահսկվում է ԿԲ կողմից:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |