Երկուշաբթի, 6 Ապրիլի 2020 12:35
Ալինա Հովհաննիսյան

Նաիրա Զոհրաբյան․ Փնտրում եմ Varks.am-ի ղեկավարին, գտնողներին խնդրում եմ ինձ տեղեկացնել

Նաիրա Զոհրաբյան․ Փնտրում եմ Varks.am-ի ղեկավարին, գտնողներին խնդրում եմ ինձ տեղեկացնել

Արմինֆո. ԱԺ ԲՀԿ խմբակցության պատգամավոր Նաիրա Զոհրաբյանը Ֆեյսբուքի իր էջում գրել է.

 

<Փնտրում եմ Varks.am-ի ղեկավարին, գտնողներին խնդրում եմ ինձ տեղեկացնել։

Այն, որ այս չարաբաստիկ վարկային «կանտորան» իր վաշխառուական, դալալային տոկոսադրույքներով հազարավոր մեր հայրենակիցների դարձրել է իր պատանդը, ակնհայտ իրողություն է։ Varks.am-ի կողմից «գերի վերցված» հազարավոր քաղաքացիներ ամեն օր դիմում են ինձ՝ որպես Մարդու իրավունքների պաշտպանության հանձնաժողովի նախագահի, հասկանալու համար, թե Կենտրոնական Բանկի կողմից վաշխառու այս վարկային կազմակերպությանը լիցենզիայից զրկելուց հետո իրենք ի՞նչ ընթացակարգով կարող են վարկերի մարման առավել մեղմ ռեժիմ ստանալ ու ես որեւէ կերպ չեմ կարողանում «պեղել» Varks.am-ի դիրեկտորին։

Այդ կանտորայի հեռախոսին պատասխանողը, եթե, իհարկե, նման բախտ վիճակվում է մի քանի օրը մեկ, հեզաբար պատասխանում է, որ փոխանցել է իրենց ղեկավարին ու վերջինս հեսա ինձ կզանգի։ Էդ «հեսան» ձգվում է արդեն 10 օր։

 

Հիմա ասածս ինչ է. Varks.am-ի ղեկավար կամ ղեկավարություն, փախնելով դուք հազարավոր քաղաքացիների անօգնական վիճակից օգտվելով ու նրանց ձեր վարկային ասեղին նստեցնելով՝ չեք պրծնելու:

 

Լուծարային հանձնաժողովը պարտավոր է հստակ պատասխանատվության մեխանիզմ մշակել վաշխառու վարկային կազմակերպությունների համար, որոնք մարդկանց հուսահատությունից տարիներ շարունակ փող են քամել։ Varks.am-ին լիցենզիայից զրկելը էս հարցը չի լուծելու։Ի դեպ, Varks.am-ը միակը չէ, որ նման անտրամաբանական տոկոսներով է աշխատում։ Մարդիկ այսօր ի վիճակի չեն մարելու նման վարկային կազմակերպությունների՝ իրենց վրա պտտվող անողոք հաշվիչը։

 

Երեխայի կյանքը փրկելու, կամ օրվա հաց գնելու համար Varks.am-ի թակարդն ընկած քաղաքացիների խնդիրը պիտի լուծվի ու պիտի լուծվի Varks.am-ի՝ տարիներ շարունակ ստացած աննորմալ գերշահույթների հաշվին։ Եւ քանի որ ինձ դիմած քաղաքացիները չեն հասկանում հիմա ի՞նչ պիտի անեն, տեղադրում եմ լուծարային հանձնաժողովի վերջին հայտարարությունը, որը որոշակի ուղեցույցի կլինի Varks.am-ի «պատանդների» համար։

 

Իսկ Varks.am-ի դիրեկտորի համար մի փոքր «սպրավոչկա». ես հասնելու եմ նրան, որ դուք պատասխանատվության ենթարկվեք հուսահատության շեմին հասած ու ձեր կանտորայի դուռը թակած քաղաքացիներին վարկային պատանդ սարքելու համար։ Մի րոպե անգամ իմ վճռականության ու համառության վրա չկասկածեք։

 

<26.03.2020 թվականին հաստատված «ՎԱՐԿՍ ԷՅ ԷՄ Լուծարվող ՈւՎԿ» ՓԲԸ Լուծարային ծրագրին համաձայն Լուծարային հանձնաժողովը որոշել է․ Այն հաճախորդների, որոնք 2020 թվականի ապրիլի 1-ի դրությամբ ունեն ժամկետանց պարտավորություններ, դրանց գծով զիջվելու են հաշվեգրված տոկոսները, միջնորդավճարները, տույժերը և տուգանքները՝ մայր գումարի ամբողջական կամ մասնակի մարում իրականացնելու դեպքում։ Այն հաճախորդների, որոնք 2020 թվականի ապրիլի 1-ի դրությամբ չունեն ժամկետանց պարտավորություններ, դրանց գծով առաջիկա երկու ամիսների ընթացքում չեն հաշվեգրվի լրացուցիչ որևէ գումարներ (տոկոսներ, միջնորդավճարներ, տույժեր և տուգանքներ): Այս հաճախորդների գծով պարտավորությունները նշված երկամսյա ժամանակահատվածում չեն դիտարկվի ժամկետանց>,- գրել է Զոհրաբյանը։

 

ՀՀ կենտրոնական բանկի խորհրդի 2020 թվականի մարտի 24–ի թիվ 13 ԾՕՀ Ա որոշմամբ ուժը կորցրած է ճանաչել «Վարկս Էյ ԷՄ» ՈՒՎԿ ՓԲԸ վարկային կազմակերպության լիցենզիան`ընդհանուր կապիտալի նվազագույն չափի պահանջը խախտելու համար: (Վարկային կազմակերպությունը տրամադրում է վարկեր իր հիմնադիրներից ներգրավված միջոցների հաշվին և իրավունք չունի ներգրավել ֆիզիկական անձանց միջոցներ՝ այն է ավանդներ):Նշենք, որ "Վարկս Էյ Էմ" ՓԲԸ-ն ("VARKS AM" ՈՒԿԿ) հայկական ֆինանսական շուկայում գործում է 2016թ.դեկտեմբերի 20-ից: Այս ընկերության միանձնյա բաժնետերը Finko Invest LLC-ն է ։

 

ԱրմԻնֆո-ի պատրաստած Հայաստանի վարկային ընկերությունների ռենքինգի 31.12.2019 թ. տվյալներով, "Վարկս Էյ Էմ" - ի ընդհանուր կապիտալը կազմել է 2.6 մլրդ դրամ, ինչին ոչ համաչափ  նորմատիվային ընդհանուր կապիտալը, ըստ հրապարակված ֆինանսական հաաշվետվությունների, 31.12.2019 թ. - ի դրությամբ կազմել է 8.977 մլրդ դրամ, իսկ կապիտալի բավարարության նորմատիվի տվյալներ այդ ընկերությունն ընդհանրապես ոչ մի անգամ չի հրապարակել: Ունիվերսալ վարկային ընկերությունների համար Կենտրոնական բանկի  նորմատիվ պահանջներին համապատասխան ընդհանուր կապիտալի նվազագույն չափը նախատեսված է 150 մլն դրամ, իսկ կապիտալի բավարարության նվազագույն մակարդակը' 10%:

 

"Վարկս Էյ Էմ" - ի ակտիվներն այդ ամսաթվի դրությամբ կազմել են 23.9 մլրդ դրամ, վարկային ներդրումները' 18.95 մլրդ դրամ կամ ակտիվների 79.3% - ը: 2019 թվականը "Վարկս Էյ Էմ" - ն ավարտել է 3.95 մլրդ դրամի շահույթով ։ "Վարկս Էյ Էմ" – ի ընդհանուր պարտավորություններն այդ ամսաթվի դրությամբ կազմել են 21.3 մլրդ դրամ, որի 72.1% - ը դրամական շուկայից ներգրավումներ են, 8.3% - ը' փոխառություններ/վարկեր բանկերից և այլ ֆինանսական կազմակերպություններից, 11.9% - ը' պարտավորություններ կառավարության հանդեպ, իսկ 7.8% - ը' այլ պարտավորություններ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
25.05.2020
RUB6.760.05
USD483.000.76
EUR526.571.36
GBP588.541.46
CAD345.721.78
JPY44.84-0.03
CNY67.83-0.15
CHF497.171.34



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000