Արմինֆո. Կենսական նշանակության ճանապարհների վերականգնման ծրագրի երկրորդ լրացուցիչ ֆինանսավորման շրջանակներում Համաշխարհային բանկը 13, 4 մլն եվրո վարկ կտրամադրի Հայաստանին։ ՀՀ Ազգային ժողովի ֆինանսավարկային եւ բյուջետային հարցերի հանձնաժողովը ապրիլի 7-ի նիստում դրական եզրակացություն է տվել ՀՀ կառավարության ներկայացրած՝ Բանկի հետ համաձայնագրին, որը կներկայացվի ՀՀ Ազգային ժողովի լիագումար նիստում:
ՀՀ տարածքային կառավարման և ենթակառուցվածքների նախարար Սուրեն Պապիկյանի խոսքով ' ծրագրի առաջին փուլի շրջանակներում վերանորոգվել է կենսական նշանակություն ունեցող 211 կմ ճանապարհ: 41 կմ ճանապարհ արդիականացվել են խնայված ռեսուրսների հաշվին։ Համաձայնագրի երկրորդ փուլի շրջանակներում, որը ստորագրվել է 2018 թվականի հոկտեմբերի 10-ին, նախատեսվում է վերանորոգել համայնքային նշանակություն ունեցող 61 կմ ճանապարհ: Վավերացումից անմիջապես հետո նախատեսվում է անցկացնել ծրագրի կապալառուների որոշման մրցույթներ, և չի բացառվում, որ մրցույթների անցկացումից 40 օր անց հայտնի կդառնա խնայված ռեսուրսների գումարը, որը ևս կուղղվի ծրագրի շարունակմանը:
