Արմինֆո.Ելնելով այսօրվա իրավիճակից՝ չեմ բացառում, որ պետական պարտքը կավելանա, որևէ խնդիր չեմ տեսնում դրա հետ կապված։ Այս մասին մամուլի ասուլիսի ժամանակ հայտարարել է փոխվարչապետ Մհեր Գրիգորյանը։
<Կարծում եմ, որ դեռ վաղ է այդ մասով ինչ-որ որոշումներ, ցուցանիշներ և ժամկետներ հնչեցնելը>, - ասել է նա: Այս համատեքստում Գրիգորյանը վկայակոչել է ողջ աշխարհում տեղի ունեցող զարգացումները, ինչի պատճառով, ըստ նրա, որոշակի ժամանակ է պահանջվում որոշումներ կայացնելու և հակաճգնաժամային քայլերը հստակեցնելու համար։ <Անշուշտ, մենք մտածում ենք դրա մասին ։ Կան որոշակի սցենարներ։ Սակայն այսօր ինչ-որ կոնկրետ թվեր հնչեցնել չէի ցանկանա>, - եզրափակել է նա ։ Հիշեցնենք, որ ՀՀ ֆինանսների նախարարության նախնական տվյալների համաձայն՝ Հայաստանում պետական պարտքը 2020թ. մարտին աճել է 6% - ով ՝ մինչև 7.4 մլրդ դոլար (3.5 տրլն դրամ): Դրա կառուցվածքում արձանագրվել է ինչպես արտաքին պարտքի տարեկան աճ ՝ 4% - ով մինչև 5.7 մլրդ դոլար (2.7 տրլն դրամ), այնպես էլ ներքին ՝ 14.1% - ով , մինչև 1.6 մլրդ դոլար (773.3 մլրդ դրամ) ։
Որպես համեմատություն՝ նշենք, որ 2019թ.մարտին այդ ցուցանիշներն ունեցել են հետևյալ դինամիկան. արտաքին պարտքը նվազել է 0,6 տոկոսով, ներքին պարտքը աճել է 9,7 տոկոսով, ինչի արդյունքում Հայաստանի ընդհանուր պետական պարտքն աճել է 1,4 տոկոսով ։
Նշենք, որ Fitch-ի նորացված կանխատեսմամբ ՝ Հայաստանում ՀՆԱ-ի նկատմամբ պետական պարտքի հարաբերակցությունը 2019-ին 53,6 տոկոսից կաճի մինչեւ 2020 թ․ 59,2 տոկոս, որից հետո 2021-ին կնվազի մինչեւ 56 տոկոս: Fitch-ը նշում է, որ Հայաստանի պետական պարտքի գերիշխող մասնաբաժինն արտահայտված է արտարժույթով է ՝ 79 տոկոս, ինչը հանգեցնում է արժութային ռիսկի առաջացման:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |