Արմինֆո. Հայաստանի բանկային համակարգը 2020թ. առաջին եռամսյակում պետական գանձարանին հարկային հատկացումներն ավելացրել է տարեկան 12.6% - ով' մինչև 12.5 մլրդ դրամ ($24.8 մլն)' նախորդ տարվա նույն ժամանակահատվածի 16.1% աճի դիմաց: Այդ գումարի 89.5%-ը կամ 11.2 մլրդ դրամ վճարվել է ուղղակի հարկերի գծով, տարեկան 8.7% աճով, նախորդ տարվա 25.1% աճի դիմաց։
ՀՀ Պետեկամուտների կոմիտեի տվյալներով՝ Հայաստանի 1000 խոշորագույն հարկատուների առաջին հարյուրյակում 2020թ. առաջին եռամսյակի արդյունքներով 17 գործող բանկերից հայտնվել է 12-ը (նաախխորդ տարվա 13-ի դիմաց): Դրանց թվում հարկատու բանկերի առաջին հնգյակում են հայտնվել Ամերիաբանկը, ԱԿԲԱ-Կրեդիտ Ագրիկոլ Բանկը, Հայբիզնեսբանկը, Ինեկոբանկը եւ Արդշինբանկը, ընդ որում, նրանք բոլորն առաջատարների հնգյակում էին նաեւ մեկ տարի առաջ: 2020թ. առաջին եռամսյակում բանկերի առաջին հնգյակը հարկերի գծով պետական գանձարան է ուղղորդել 6.4 մլրդ դրամ (տարեկան աճի արագացմամբ՝ 3.1%-ից մինչեւ 10.3%), որից 5.98 մլրդ դրամը՝ ուղղակի հարկերի գծով (տարեկան աճի դանդաղմամբ ՝ 13.7% - ից մինչեւ 6.8%): Բանկերի առաջին հնգյակին բաժին է ընկնում պետական բյուջեին բանկային համակարգի հարկային հատկացումների ընդհանուր ծավալի 51,2 տոկոսը: Իսկ 2020 թվականի առաջին եռամսյակում Հայաստանի 1000 խոշոր հարկատուների ընդհանուր հարկային հատկացումներից բանկային համակարգին բաժին է ընկել 5,1 տոկոս՝ մեկ տարի առաջվա 5 տոկոսի դիմաց:
Բանկերի շրրջանում վճարված հարկերի ծավալով առաջատար Ամերիաբանկը խոշոր հարկատուների ցանկում զբաղեցրել է 24-րդ տեղը (նախորդ տարվա 20-րդի փոխարեն)՝ պետբյուջե ուղղորդելով ավելի քան 1.5 մլրդ դրամ, որից 1.4 մլրդ դրամը՝ ուղղակի հարկերի գծով(այդ թվում ՝ շահութահարկն ու եկամտահարկը)։ Նրան հաջորդում են ԱԿԲԱ-ԿՐԵԴԻՏ ԱԳՐԻԿՈԼ բանկը՝ 26-րդ տեղը (նախորդ տարվա 33-ի դիմաց), որը վճարել է 1.49 մլրդ դրամ, որից 1.3 մլրդ դրամը՝ ուղղակի հարկեր, Հայբիզնեսբանկը՝ 32-րդ տեղը (նախորդ տարվա 23-ի դիմաց), որը վճարել է 1.2 մլրդ դրամ, որից 1.1 մլրդ՝ ուղղակի հարկեր, Ինեկոբանկը 38-րդ տեղում է (նախորդ տարվա 37-ի դիմաց) եւ վճարել է 1.1 մլրդ դրամ, որից 1.09 մլրդ՝ ուղղակի հարկեր: Խոշոր հարկատու բանկերի առաջին հնգյակը եզրափակում է Արդշինբանկը, որը զբաղեցրել է 41-րդ տեղը (նախորդ տարվա 29-րդի փոխարեն) եւ վճարել է 1.08 մլրդ դրամ, որից 988.4 մլն՝ ուղղակի հարկեր:
Խոշոր հարկատուների առաջին հարյուրյակում են նաեւ Կոնվերս Բանկը՝ 48-րդ տեղ (990.4 մլն դրամ, որից 777.6 մլն դրամ՝ ուղղակի հարկեր), Յունիբանկը 52-րդ տեղում է (805.4 մլն դրամ, որից 565.4 մլն դրամ՝ ուղղակի հարկեր), Հայէկոնոմբանկը' 61 - րդ տեղ (717.5 մլն դրամ, որից 671.7 մլն' ուղղակի հարկեր), ՎՏԲ - Հայաստան Բանկը' 63-րդ տեղ (704.6 մլն դրամ, որից 594.7 մլն' ուղղակի հարկեր), Արմսվիսբանկը' 66-րդ տեղ (669.1 մլն դրամ, որից 518.5 մլն ' շահութահարկի գծով), Արարատբանկը' 77-րդ տեղ (597.8 մլն դրամ, որից 528.8 մլն' ուղղակի հարկեր), եւ Evocabank-ը' 93 - րդ տեղ (468.3 մլն դրամ, որից 410.5 մլն՝ ուղղակի հարկեր)։
HSBC Բանկ Հայաստանը 117-րդ տեղում է (375.7 մլն դրամ, որից 349.3 մլն' ուղղակի հարկեր), IDBank' 134-րդ տեղ (335.9 մլն դրամ, որից 305.2 մլն՝ ուղղակի հարկեր), Մելլաթ Բանկը' 237-րդ տեղ (180.5 մլն դրամ, որից 176.5 մլն դրամը' ուղղակի հարկեր), Byblos Bank Armenia - ն' 281-րդ տեղ (148.7 մլն դրամ, որից 143.4 մլն դրամը' ուղղակի հարկեր), եւ Արցախբանկը' 601-րդ տեղ (66.2 մլն դրամ, որից 50.7 մլն դրամը' ուղղակի հարկեր):
Նշենք, որ 2019թ. առաջին եռամսյակում Հայաստանի բանկերը պետական գանձարան են փոխանցել 11.1 մլրդ դրամի հարկեր, որից 94%-ը կամ 10.3 մլրդ-ը վճարվել է ուղղակի հարկերի գծով: Այդ ժամանակ հարկատու բանկերի շարքում առաջատար հնգյակը ներկայացնում էին Ամերիաբանկը, Հայբիզնեսբանկը, Արդշինբանկը, ԱԿԲԱ - Կրեդիտ Ագրիկոլ Բանկը եւ Ինեկոբանկը, որոնք ապահովել էին 5.8 մլրդ դրամի հարկային վճարումներ կամ բանկային համակարգի հարկային հատկացումների ընդհանուր ծավալի 52.7% - ն: (Դրամի հաշվարկային փոխարժեքը 2020 թվականի մարտի 31-ի դրությամբ կազմել է 504.47 դրամ/1դոլար):
