Արմինֆո. Տեւական ռալլիից հետո Հայաստանում ոսկու գներն անկում են գրանցել։ Ըստ որում՝ նվազել է նաև այլ թանկարժեք մետաղների գինը։ Մասնավորապես՝ այս շաբաթ թանկարժեք մետաղների գներն ունեցել են վայրընթաց միտում՝ գրանցելով 4 տոկոս անկում՝ մեկ շաբաթ առաջ 2 տոկոս աճի դեմ:
ՀՀ ֆինանսների նախարարության <Թանկարժեք մետաղների և թանկարժեք քարերի պետական գանձարան> գործակալության կողմից 2020 թ․ ապրիլի 27-ից մինչեւ մայիսի 3 սահմանվել են թանկարժեք մետաղների բացթողնման հետևյալ գները. 1 գրամ ոսկի (չափիչ ձուլակտորներ)՝ 26295,51 դրամ (մեկշաբաթյա դինամիկայի փոփոխություն՝ 2.2% աճից 1,5% անկում), արծաթ՝233,12 դրամ (շաբաթական աճի փոփոխություն՝ 2% աճից 2,9% անկում), պլատին՝ 11 742,32 դրամ (շաբաթական աճի փոփոխություն՝ 3,9% աճից 3% անկում ), պալադիում 31144,97 դրամ (շաբաթական անկման արագացում՝ 0,3% -ից 8,4%)։
Միջազգային բորսաների տվյալների համաձայն, 2020 թ. ապրիլի 30-ին ոսկու տրոյական ունցիայի գինը կազմել է 1717.5 դոլար (օրական աճը՝ 0,03%), արծաթ՝ 15.62 դոլար (օրական աճը 0,06%), պլատին՝ 786 դոլար (օրական աճը 0,13%) եւ պալադիում՝ 2076 դոլար։
Ոսկու շուկայի շատ մասնակիցների ընթացիկ տարին կարող է բերել լավ եկամուտներ։ Դրան կնպաստեն միանգամից մի քանի կարևոր գործոններ։ Այս մասին հաղորդում Է Gold.ru պորտալը։
Մասնավորապես՝ նման գործոններից մեկը որոշ Կենտրոնական բանկերի ագրեսիվ դրամական քաղաքականությունն է, որը կարող է հանգեցնել ազգային արժույթների արժեզրկմանը: Օրինակ, բոլորովին վերջերս ոսկու արժեքը եվրոպական արժույթով սահմանել է նոր ռեկորդ՝ հասնելով մեկ ունցիայի դիմաց 1600 եվրո նշագծի, ինչը նախկինում երբեք տեղի չի ունեցել։ Դա վկայում է դեղին թանկարժեք մետաղի նկատմամբ եվրոպական արժույթի փլուզման մասին ։
Ընթացիկ տարում նկատվում է միջոցների զգալի ներհոսք <ոսկե> ETF-ֆոնդեր, որոնց բաժնետոմսերը ապահովված են ֆիզիկական թանկարժեք մետաղով: Այս գործոնը կարևորներից մեկն է ոսկու գնագոյացման հարցում։ Փորձագետների կարծիքով ՝ ոսկու շուկան աջակցություն կստանա մինչեւ ընթացիկ տարվա վերջ աճի համար, այդ թվում՝ ETF-ֆոնդերի հետ կապված իրավիճակից: Սակայն, ոսկու մեջ ներդրողները պետք է լավ հասկանան, որ ժամանակ առ ժամանակ շուկայում կլինեն շտկումներ, բայց դա տեղի կունենա վերընթաց միտումի ֆոնին: Երկարաժամկետ ներդրողներին պետք չէ ոչնչից վախենալ։ Իրավիճակը կդասավորվի նրանց օգտին։