Արմինֆո. Արժույթի միջազգային հիմնադրամի (ԱՄՀ) Տնօրենների խորհուրդը նախօրեին որոշում է կայացրել Հայաստանին 280 մլն դոլար հատկացնել կորոնավիրուսի դեմ պայքարի համար, հաղորդում է <Փրայմ> տնտեսական տեղեկատվության գործակալությունը ՝ վկայակոչելով հիմնադրամի մամուլի ծառայությունը:
<ԱՄՀ գործադիր խորհրդի որոշումը նախատեսում է Հայաստանին 280 մլն ԱՄՆ դոլարի անհապաղ հատկացում>, - ասվում է հիմնադրամի հայտարարության մեջ:
Հիմնադրամը ավելացնում է, որ <այս ֆինանսավորման հասանելիությունը կօգնի իշխանություններին կանխել կարճաժամկետ ռիսկերը եւ ռեսուրսներ տրամադրել COVID-19 համաճարակի անհետաձգելի սոցիալական եւ տնտեսական հետեւանքները լուծելու համար>:
Ավելի վաղ ԱրմԻնֆո-ն հայտնել էր, որ Արժույթի միջազգային հիմնադրամի թիմը համաձայնություն է ձեռք բերել Հայաստանի իշխանությունների հետ Հայաստանի բարեփոխումների՝ ԱՄՀ օժանդակությամբ իրականացվող ծրագրի երկրորդ տեսության ավարտի վերաբերյալ: Իշխանությունները դիմել են ԱՄՀ-ի կողմից Հայաստանին տրամադրվող ֆինանսական օժանդակությունն ավելացնելու խնդրանքով՝ սպասելով Գործադիր խորհրդի կողմից վերոնշյալ գումարի տրամադրմանը: ԱՄՀ-ն գտնում է, որ համավարակը, նավթի գների հետ կապված վերջին ցնցման և համաշխարհային ֆինանսական պայմանների խստացման հետ մեկտեղ, զգալիորեն փոխելու է Հայաստանի առաջիկա տնտեսական հեռանկարը ։<ԱՄՀ ֆինանսավորման ավելի մեծ հասանելիությունն իշխանություններին կօգնի կարճաժամկետ ռիսկերի զսպման հարցում և վարակի բռնկման գագաթնակետին կտրամադրի ռեսուրսներ` հրատապ բժշկական և սոցիալ-տնտեսական կարիքները հոգալու համար>,- նշվում է ԱՄՀ հաղորդագրությունում։ Առաջարկվում է ավելացնել Հայաստանի ֆինանսական աջակցությունը 128,80 միլիոն SDR-ով (մոտ 175 միլիոն դոլար), ինչը SBA ծրագրի շրջանակում կուտակված ռեսուրսների իրավունքից օգտվելու իշխանությունների մտադրության հետ մեկտեղ, կապահովի հասանելիություն 206 միլիոն SDR-ի (մոտ 280 միլիոն դոլար):
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |