Արմինֆո. Հայաստանի տնտեսության երկարաժամկետ զարգացման ծրագրի իրականացմանը կուղղվի 50 մլրդ դրամ։ Այս մասին որոշումն ընդունվել է ՀՀ կառավարության մայիսի 21-ի նիստում։
ՀՀ էկոնոմիկայի նախարար Տիգրան Խաչատրյանի խոսքով, ծրագիրը բաժանված է 10 փուլերի՝ յուրաքանչյուրը 5 մլրդ դրամ ։ Կառավարության այսօրվա որոշմամբ հաստատվել է նախագծի առաջին փուլը։ Մասնավոր հատվածի հետ պարիտետային պայմաններով միջոցները կուղղվեն նոր ներդրումային ծրագրերի աջակցմանը։ Յուրաքանչյուր հաջորդ փուլի համար առանձին որոշում կկայացվի նախորդ փուլի քննարկումներից հետո ։
Նախաձեռնության համաձայն ՝ Կենտրոնական բանկին կից գործելու է ներդրումային հիմնադրամ, որի միջոցները կառավարելու է Հայաստանի ազգային հետաքրքրությունների հիմնադրամը ։ Ներդրումային հիմնադրամը կզբաղվի կոնկրետ նախագծերի համար պոտենցիալ ներդրողների բացահայտմամբ եւ ներգրավմամբ: Հիմնադրամը պետք է փնտրի ու գտնի պոտենցիալ ներդրողների, որոնք կունենա վստահելի նախագծեր եւ ներդրողի ներդրած մեկ միավորի դիմաց (1-2 մլն դոլարի սահմաններում) պետք է ներդնի եւս մեկ միավոր՝ պայմանով, որ եւս երկու միավոր պետք է ներգրավվի որպես փոխառու միջոց: Առաջին փուլի արդյունքները կառավարությունում պետք է ամփոփվեն 3 ամսից ։ Ինչպես նշել է Տիգրան Խաչատրյանը, ընդունված որոշումը թույլ կտա զգալիորեն ավելացնել ներդրումների ծավալները:
RUB | 4.19 | -0.01 |
USD | 395.10 | -0.14 |
EUR | 420.39 | 0.41 |
GBP | 492.14 | 0.22 |
CAD | 286.14 | -0.33 |
JPY | 25.55 | -0.01 |
CNY | 54.58 | -0.02 |
CHF | 433.51 | 0.65 |