Արմինֆո.Հայաստանի ապահովագրողները 2020թ. առաջին եռամսյակում տարբեր դասերով փոխհատուցել են 6.4 մլրդ դրամ կամ 12.7 մլն դոլար (թվերը ներկայացված են ՀՀ ԿԲ ստանդարտներով ԱԸ պորտֆելների հաշվետվություններից): Ապահովագրական փոխհատուցումների տարեկան աճը 4,3 տոկոսից արագացել է մինչեւ 7,1 տոկոս:
Ըստ ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի, ապահովագրական պարգեւավճարները, տարեկան դինամիկան ծավալելով 17.4% աճից դեպի 4.2% անկում, կազմել են 15.8 մլրդ դրամ կամ 31.4 մլն դոլար:
Վճարումների տարեկան աճն ապահովել են հինգ ընկերություններ, ընդ որում առավելլագույնը՝ "Արմենիա Ինշուրանսում"՝ 46,6 տոկոս աճ, իսկ միակ անկումը գրանցվել է "Նաիրի Ինշուրանսում" (13,9 տոկոս): Ընդ որում, մեկ տարի առաջ նույն ժամանակահատվածում վճարումների գծով "Արմենիա Ինշուրանսում" արձանագրվել էր ընդամենը 3 տոկոս աճ, իսկ "Նաիրի Ինշուրանսն" այդ ժամանակ արդեն հասել էր լճացման (0,1 տոկոս)։
Ըստ ապահովագրության դասերի վճարումների տարեկան առավելլագույն աճը գրանցվել է ֆինանսական վնասի ապահովագրության գծով՝ 22 անգամ (մեկ տարի առաջվա 95 տոկոս անկման փոխարեն): Այդ դասից հետո հատուցումների տարեկան աճի բարձր տեմպերով աչքի են ընկել ՝ ավտոտրանսպորտային միջոցների օգտագործումից պատասխանատվության ապահովագրությունը ՝ 4,5 անգամ (մեկ տարի առաջ 93,5 տոկոսի դիմաց) եւ ընդհանուր պատասխանատվության ապահովագրությունը ՝ 87 տոկոս (Մեկ տարի առաջվա 86 տոկոսի դիմաց): Վճարումների տարեկան դինամիկայի շրջադարձը բարելավման ուղղությամբ նկատվել է նաեւ գույքի ապահովագրման գծով ՝ 92,6% անկումից մինչեւ 17,6% աճ։ Բացի այդ չորս դասերից աճի մեջ են մնացել բժշկական ապահովագրության եւ ԱՊՊԱ-ի վճարումները, ընդ որում, առաջին դեպքում՝ 5,7 տոկոսից մինչեւ 17,3 տոկոս տեմպերի արագացմամբ, իսկ երկրորդում՝ 12,3 տոկոսից մինչեւ 5,7 տոկոս տեմպերի դանդաղմամբ:
"Սակայն հարկ է ուշադրություն դարձնել բժշկական ապահովագրության վերաապահովագրության ծավալների աճի կտրուկ դանդաղմանը՝ 28 անգամից մինչեւ 51 տոկոս, ինչը հայկական ԱԸ-ների ոչ անսահման հնարավորությունների դեպքում կորոնավիրուսի համաճարակի հետ կապված իրավիճակի զարգացման անորոշության պայմաններում կարող է կտրուկ դանդաղեցնել պարգեւավճարների եւ հատուցումների աճը՝ ընդհուպ մինչեւ շրջադարձը անկման միտումների", - նշում են AmRating ազգային վարկանշային գործակալության վերլուծաբանները:
Վճարումների տարեկան դինամիկայի վատթարացում է արձանագրվել բեռնափոխադրումների ապահովագրության գծով՝ 90,4% անկում (մեկ տարի առաջ 7,7 անգամ աճի դիմաց), դժբախտ պատահարներից ապահովագրության գծով՝ 59,1% անկում (մեկ տարի առաջ 13,7% աճի դիմաց):
Վճարումների տարեկան թրենդի անկում է պահպանվել արտասահման մեկնողների ապահովագրության գծով՝ 14,5 տոկոսից մինչեւ 15,4 տոկոս տեմպերի արագացմամբ, ԿԱՍԿՈ-ի գծով՝ 19,5 տոկոսից մինչեւ 6 տոկոս տեմպերի դանդաղմամբ:
Ընդհանրապես վճարում չի արձանագրվել վարկային ռիսկերի ապահովագրության, ավիատրանսպորտի ապահովագրության եւ դրա օգտագործման պատասխանատվության, ջրային տրանսպորտի եւ դրա օգտագործման պատասխանատվության եւ տրամադրված երաշխիքների գծով:
Ապահովագրական վճարների ծավալով առաջատարը "Ռոսգոսստրախ-Արմենիան" է՝ 1.9 մլրդ դրամ։ Երկրորդ տեղում է "ԻՆԳՈ ԱՐՄԵՆԻԱ"-ն՝ 1.5 մլրդ դրամ փոխհատուցման ծավալով։ TOP-3-ը եզրափակում է "Նաիրի Ինշուրանսը"՝ վճարելով 949.1 մլն դրամ։ Նրանց մոտ է գտնվում "Սիլ Ինշուրանսը"՝ 859.9 մլն դրամ ցուցանիշով։ Հինգերորդ հորիզոնականում է "Արմենիա ինշուրանսը"՝ 582.4 մլն դրամ վճարումների ծավալով: Եվ ապահովագրական ընկերությունների ցանկը եզրափակում է "Ռեսո"-ն՝ 572.3 մլն դրամ ցուցանիշով։
Փոխհատուցումների կառուցվածքում վճարումների առավել մեծ մասն ավանդաբար բաժին է ընկել ԱՊՊԱ-ին ՝ 61,45 տոկոս կամ 3.9 մլրդ դրամ՝ նախորդ տարվա 62,23 տոկոսի դիմաց: Վճարումների կառուցվածքում մասնաբաժնով երկրորդ տեղում է բժշկական ապահովագրությունը՝ 31,1% կամ 1.99 մլրդ դրամ, նախորդ տարվա 28,4% - ի դիմաց: Երրորդ դիրքում ԿԱՍԿՈ-ն է, որի մասնաբաժինը վճարումների կառուցվածքում մեկ տարվա ընթացքում կրճատվել է 4,2 տոկոսից մինչեւ 3,7 տոկոս: Այնուհետև վճարումների կառուցվածքում մասնաբաժնով հաջորդում են ֆինանսական վնասի ապահովագրությունը՝ 2,4% (նախորդ տարվա 0,1% - ի դիմաց), ընդհանուր պատասխանատվության ապահովագրությունը՝ 0,5% (նախորդ տարվա 0,3% - ի դիմաց), արտասահման մեկնողների ապահովագրությունը՝ 0,33% (նախորդ տարվա 0,4% - ի դիմաց) և գույքի ապահովագրությունը՝ 0,25% (նախորդ տարվա 0,22%-ի դիմաց): Վճարումների կառուցվածքում մասնաբաժնի նվազում է արձանագրվել նաեւ բեռնափոխադրումների ապահովագրության գծով ՝ 1,7 տոկոսից մինչեւ 0,15 տոկոս, եւ դժբախտ պատահարներից ապահովագրության գծով՝ 0,44 տոկոսից մինչեւ 0,17 տոկոս:
2020թ. առաջին եռամսյակում Հայաստանի ապահովագրական ընկերությունները գրանցել են, ընդհանուր առմամբ, 83,3 հազ. ապահովագրական դեպք (8,6% տարեկան աճով), որոնցից մեծ մասը բաժին է ընկել բժշկական ապահովագրությանը՝ 63,2 հազ.դեպք: ԱՊՊԱ գծով ապահովագրողներն արձանագրել են ավելի քան 19,5 հազար ապահովագրական դեպք: Ցամաքային տրանսպորտի (ԿԱՍԿՈ) ապահովագրությունը դեպքերի քանակով զբաղեցնում է երրորդ տեղը՝ 386 դեպք, իսկ չորրորդ տեղում արտասահման մեկնողների ապահովագրությունն է՝ 115 դեպք: Հայաստանի ապահովագրական շուկայում կիրառվում է ապահովագրության 2 պարտադիր տեսակ՝ ԱՊՊԱ եւ բյուջետային աշխատողների բժշկական ապահովագրություն:
Հիշեցնենք, որ Հայաստանի ապահովագրական շուկայում գործող 6 ընկերություններն աշխատում են 20 դասերից 17-ով, բացառությամբ երկաթուղային տրանսպորտի ապահովագրության, երկաթուղային տրանսպորտի օգտագործումից բխող պատասխանատվության, դատական եւ արտադատական ծախսերի ապահովագրության: Ընդ որում, 2019 թվից ի վեր ՀՀ ԿԲ-ի պահանջով բոլոր 6 ԱԸ-ների պորտֆելի ֆինանսական հաշվետվություններում ավելացվել է սեյսմիկ ռիսկերի ապահովագրության (երկրաշարժերից) տողը, որի վերաբերյալ տվյալները թեև առանձին նշվում են, սակայն արդյունքի մեջ չեն ներառվում, քանի որ արդեն ընդգրկված են ապահովագրության համապատասխան դասերում: Առավել թվով դասերի համար լիցենզավորված են "ԻՆԳՈ ԱՐՄԵՆԻԱ"-ն՝ 16, եւ "Ռոսգոսստրախ Արմենիա"-ն՝ 15-ը։ (Դրամի հաշվարկային փոխարժեքը դոլարի նկատմամբ 31.03.20-ի դրությամբ կազմում էր 504,47 դր./$1):