Արմինֆո.Հայաստանը մեկ տարով կերկարաձգի երրորդ երկրներից ապրանքների համար Եվրասիական տնտեսական միության երկրների մաքսատուրքերի կիրառման արտոնյալ ժամանակահատվածը։ ՀՀ Ազգային ժողովը մայիսի 27-ի նիստում վավերացրեց ԵԱՏՄ ստեղծման մասին պայմանագրին կից արձանագրությունը։
Ինչպես հայտնել է ՀՀ էկոնոմիկայի նախարարի տեղակալ Վարոս Սիմոնյանը, արձանագրությունը ստորագրվել է 2019 թվականի դեկտեմբերի 20-ին Սանկտ Պետերբուրգում: Նա հիշեցրել է, որ 2015 թվականին ԵԱՏՄ-ին Հայաստանի անդամակցությունից հետո սկսել է կիրառվել արտոնությունների 5-ամյա ժամանակահատված՝ ոչ ԵԱՏՄ երկրներից ներմուծվող ապրանքների գների աճի բացասական հետեւանքները մեղմելու նպատակով: 2020 թվականին այդ ժամկետը մոտենում է ավարտին։ Այդ կապակցությամբ անհրաժեշտություն առաջացավ ևս մեկ տարով երկարաձգել այդ ժամկետները ։ Ընդամենը մոտ 900 անուն ապրանքատեսակից, որոնց առնչությամբ գործում է մաքսային արտոնություն, դուրս է մնացել 293 անուն ապրանք, որոնք վերաբերում են տրանսպորտային միջոցներին ։ Արձանագրության գործողությունը այդ տրանսպորտային միջոցների վրա չի տարածվի։ Այդպիսով, փոխնախարարի խոսքով, մնացել է 647 անուն ապրանք, որոնց առնչությամբ մաքսային դրույքաչափերը չեն փոխվի։
Հակառակ դեպքում գնաճային գործընթացների ազդեցությունը երկրի տնտեսության վրա կկազմեր 0.5-05 տոկոսային կետ ։ Նախկին դրույքաչափերի կիրառմամբ ներքին շուկայում գները կնվազեն 3% - ով, իսկ տնտեսվարող սուբյեկտները կկարողանան խնայել մոտ $30 մլն:
Նմանատիպ արձանագրություն ՀՀ Ազգային ժողովի կողմից վավերացվել է նաև Ղրղզստանի առնչությամբ: Բայց այդ երկրի դեպքում խոսքը 221 ապրանքատեսակների մասին է, որոնցից 82-ը վերաբերում է տրանսպորտային միջոցներին, որոնց վրա արտոնությունները չեն տարածվի ։ Այսպիսով՝ Ղրղզստանի Հանրապետությունը, ինչպես և Հայաստանը, հնարավորություն է ստանում ևս մեկ տարի արտոնյալ մաքսատուրքեր ունենալ որոշ ապրանքատեսակների համար։ Հիշյալ կարգավորումները երկու պետությունների համար հետադարձ ուժ կունենան ՝ սկսած 2020 թվականի հունվարի 1-ից։
