Արմինֆո.Հայաստանը Արժույթի միջազգային հիմնադրամից կներգրավի 315 մլն SDR ։ Երկրի կառավարությունը հունիսի 4-ի նիստում հավանություն է տվել ԱՄՀ-ի հետ համաձայնագրի նախագծին:
Ինչպես իր ելույթում նշել է ՀՀ ֆինանսների նախարար Ատոմ Ջանջուղազյանը, ԱՄՀ-ի նախորդ տարվա վերջի կանխատեսումների համաձայն, աշխարհի 170 երկրներում տնտեսական աճ էր նախատեսվում: Մինչդեռ ընթացիկ տարվա ապրիլին վերանայված կանխատեսման համաձայն՝ կորոնավիրուսի համավարակի պատճառով համաշխարհային տնտեսությունում սպասվում է 3,5 տոկոս անկում։ Այդ ցուցանիշները, ինչպես նշել է նախարարը, չեն կարող չանդրադառնալ բյուջետային ցուցանիշների վրա, քանի որ կորոնաճգնաժամը կհանգեցնի հարկային մուտքերի նվազման, ինչն իր հերթին կանդրադառնա սահմանված մակարդակում ծախսերի պահպանման եւ պետական բյուջեի դեֆիցիտի ավելացման հակացիկլիկ քաղաքականության վրա:
Երկրի պետական բյուջեի դեֆիցիտի ֆինանսավորման համար անհրաժեշտ է ներգրավել արտաքին փոխառություններ, ինչը կանդրադառնա պետական պարտքի աճի վրա ։ Դեռ անցյալ տարեվերջին ԱՄՀ-ն համաձայնել էր Հայաստանին վարկեր տրամադրել արտաքին էական շոկերի առկայության դեպքում ։ Սակայն, հաշվի առնելով այն հանգամանքը, որ համավարակը սկսել է թափ հավաքել մարտ-ապրիլ ամիսներին՝ ԱՄՀ-ի հետ բանակցություններ են անցկացվել, որոնց արդյունքներով որոշում է ընդունվել վարկային հատկացումների չափը ավելացնելու վերաբերյալ՝ 2019 թվականի վերջին հաստատված գումարի համեմատությամբ: Այժմ այն կկազմի 315 մլն SDR, որից 206 մլն SDR արդեն հասանելի է, եւ դրանց ստացումը սպասվում է այս տարվա աշնանը:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |